Blade Runner

in Wikipedia, die vrye ensiklopedie
Spring na: navigasie, soek
Blade Runner
Regisseur Ridley Scott
Draaiboek Draaiboek:
Hampton Fancher
David Peoples
Roman: Philip K. Dick
Met Harrison Ford
Rutger Hauer
Sean Young
Edward James Olmos
Musiek deur Vangelis
Kinematografie Jordan Cronenweth
Redigeerder Terry Rawlings
Marsha Nakashima
Verspreider Warner Bros.
Uitgereik 25 Junie 1982
Speeltyd 117 min
Land Verenigde State
Taal Engels
Begroting VS$ 28 miljoen
Bruto wins VS$ 33,8 miljoen
Opgevolg deur Blade Runner 2049
IMDb-profiel
Die Bradbury Building in die middestad van Los Angeles was een van die coulisses vir Blade Runner. Hier is een van die filmkarakters, J. F. Sebastian, se woonstel geleë
'n Deel van Los Angeles se Union Station is omgeskep tot 'n polisiekantoor

Blade Runner is 'n Amerikaanse tech noir-wetenskapsfiksie-rolprent onder regie van Ridley Scott wat in 1982 vrygestel is en waarin Harrison Ford, Rutger Hauer, Sean Young en Edward James Olmos die hoofrolle vertolk het.[1] Die draaiboek, wat deur Hampton Fancher en David Peoples geskryf is, baseer op Philip K. Dick se roman Do Androids Dream of Electric Sheep? van 1968, maar is vir die silwerdoek aangepas. Die musiekklankbaan is deur die Griekse elektronika-musikant en -komponis Vangelis gekomponeer.

Die rolprent beeld 'n distopiese Los Angeles in 2019 uit wat, in teenstelling met die moderne beeld van Suid-Kalifornië as 'n streek van ewige sonskyn, in ewige donkerheid gehul is en deur onophoudelike reënbuie gepla word sodat inwoners, wat dit kan bekostig, na buitewêreldse kolonies emigreer. Een van die filmkarakters, wat in die donker stad moet agterbly, is J. F. Sebastian (vertolk deur William Sanderson).

In die stad word replikante of robotte deur die magtige Tyrell Corporation vervaardig. Danksy gesofistikeerde genetiese ingenieurswese kan hulle visueel nie meer van mense onderskei word nie. Hul gebruik op die aarde is verbode, en hulle mag net ingespan word vir gevaarlike of monotone en swaar werk in buitewêreldse kolonies.

Replikante, wat die verbod op aardse verblyf probeer omseil en na die Moederplaneet terugkeer, word deur besondere polisie-agente of Blade Runners gejaag en vernietig ("retired" of buite bedryf gestel volgens die rolprent se terminologie).

Die rolprent handel oor 'n groep replikante wat in Los Angeles ondergeduik het en die Blade Runner-spesialis Rick Deckard (Harrison Ford) wat aan uitbranding ly en skroom om sy laaste opdrag te aanvaar en die groep replikante buite bedryf te stel. In die eindtoneel moet Deckard besef dat die verskille tussen mens en mensgemaakte replikant só sterk vervaag het dat hy vir die eerste keer met sy eie ontmensliking gekonfronteer word.

Kulturele impak[wysig | wysig bron]

Alhoewel die rolprent aanvanklik nie groot aanklank gevind het by Noord-Amerikaanse gehore nie, het dit internasionale sukses en kultstatus behaal. Sy donker styl en futuristiese ontwerpe het die inspirerende maatstaf geword vir baie latere wetenskapsfiksiefilms, videospeletjies, anime en televisieprogramme.

Opvolgprent[wysig | wysig bron]

Die lank verwagte opvolgprent Blade Runner 2049 behoort op 6 Oktober 2017 op die silwerdoek te wees. Ridley Scott is by dié projek betrokke as vervaardiger, terwyl Denis Villeneuve, wat bekendheid verwerf het met die wetenskapsfiksie-film Arrival, die regie behartig. Ryan Gosling vertolk die hoofrol, ander rolle word vertolk deur Harrison Ford (as Deckard), Jared Leto en Robin Wright.[2]

Verwysings[wysig | wysig bron]

Eksterne skakels[wysig | wysig bron]