Ridley Scott

in Wikipedia, die vrye ensiklopedie
Ridley Scott
Ridley Scott in 2015
Gebore30 November 1937
South Shields, graafskap Durham, Engeland
Alma materRoyal College of Art
BeroepRegisseur en rolprentvervaardiger
EggenootFelicity Heywood (1964, geskei in 1975)

Sandy Watson (1979, geskei in 1989) Giannina Facio

(2015)
KindersJake, Luke en Jordan

Sir Ridley Scott (* 30 November 1937) is 'n Engelse rolprentregisseur en -vervaardiger wie se kommersiële deurbraak in 1979 met die wetenskapsfiksiefilm Alien gekom het. Sy mees bekende werke is die neo-noir-distopiese wetenskapsfiksiefilm Blade Runner, die misdaaddrama Thelma & Louise (1991), die historiese drama Gladiator (2000, bekroon met die Oscar vir beste rolprent), die oorlogsrolprent Black Hawk Dawn (2001), die misdaadriller Hannibal (2001), die biografiese rolprent American Gangster (2007), en die wetenskapsfiksiefilms Prometheus (2012) en The Martian (2015).

Scott staan bekend vir sy atmosferiese en hoogs gekonsentreerde visuele styl. Alhoewel sy rolprente grootliks varieer ten opsigte van toneelskikking en die tydperk waarin hulle afspeel, beeld Ridley daarin dikwels merkwaardige stedelike omgewings uit, wat van 2de eeuse Rome (in Gladiator), 12de eeuse Jerusalem (Kingdom of Heaven) en Middeleeuse Engeland (Robin Hood) tot hedendaagse Mogadisjoe en die futuristiese stadlandskap van Los Angeles in Blade Runner strek. 'n Ander kenmerk van sy werke is sterk vroulike karakters.