Rutger Hauer
| Rutger Hauer | |
 | |
Rutger Hauer in 2010 | |
| Geboortenaam | Rutger Oelsen Hauer |
|---|---|
| Geboorte | 23 Januarie 1944 Breukelen, Nederland |
| Sterfte | 19 Julie 2019 (op 75) Beetsterzwaag, Nederland |
| Nasionaliteit | Nederlands |
| Beroep(e) | Akteur en skrywer |
| Rolprente | Nighthawks, Blade Runner |
| Webwerf | www |
| Internet-rolprentdatabasis-profiel | |
Rutger Oelsen Hauer ([ˈrɵtxər ˈulsə(n) ˈɦʌuər]; 23 Januarie 1944 – 19 Julie 2019) was 'n Nederlandse akteur, skrywer en omgewingsaktivis wat in 1981 en 1982 internasionale bekendheid verwerf het met sy hoofrolle in die Amerikaanse rolprente Nighthawks (as terroris Reinhardt Heymar Wulfgar) en Blade Runner (as gedoemde "replikant"). Hauer het in sy langdurige loopbaan in Nederlandse en Engelsmedium-rolprente opgetree. Sy debuut as akteur het hy reeds op vyfjarige leeftyd in die Sophokles-tragedie Ajax gemaak waar hy die rol van Eurysakes vertolk het. Sy eerste groot sukses het hy met die Nederlandse televisiereeks Floris behaal.[1]
Hauer beywer hom vir maatskaplike kwessies soos Vigs en het die Rutger Hauer Starfish Association, 'n Vigs-bewussynsorganisasie, in die lewe geroep.[2] Alle inkomste uit sy outobiografie All Those Moments: Stories of Heroes, Villains, Replicants, and Blade Runners, wat Rutger Hauer saam met die Amerikaanse outeur en aktivis Patrick Quinlan geskryf en in 2007 gepubliseer het, skenk die akteur aan dié organisasie.[3]
- Privaat lewe
Hauer het die Switserse pianis en kunstenaar Heidi Merz in 1965 ontmoet. Hulle is getroud en het in 1966 'n dogter, aktrise Aysha Hauer, gehad. Merz en Hauer het kort daarna uitmekaar gegaan.
In 1969 het Hauer saam met Ineke ten Cate, dogter van joernalis en hoofredakteur van die Leeuwarder Courant, Laurens ten Cate, in 'n plaashuis in Siegerswoude ingetrek. Hulle is in 1985 getroud. Hierdie huwelik het kinderloos gebly.
Hauer is op 19 Julie 2019 oorlede aan pankreaskanker [4] na 'n kort siekbed op die ouderdom van 75 in sy tuisdorp Beetsterzwaag. .[5][6]
Verwysings
[wysig | wysig bron]- ↑ www.rutgerhauer.org: Biography. Besoek op 16 Mei 2017[dooie skakel]
- ↑ rutgerhauer.org: Rutger Hauer Starfish Association. Besoek op 16 Mei 2017[dooie skakel]
- ↑ www.rutgerhauer.org: Rutger's 'All Those Moments' Autobiogaphy. Besoek op 16 Mei 2017[dooie skakel]
- ↑ "Ineke ten Cate, de weduwe van Rutger Hauer: 'Het is heel eenzaam zonder hem'". libelle.nl. 5 Oktober 2024.
- ↑ Acteur Rutger Hauer (75) overleden, NOS.nl, 24 Julie 2019.
- ↑ Rutger Hauer, ‘Blade Runner’ Co-Star, Dies at 75, Variety, 24 Julie 2019.
