Blou Nyl-waterval
Die Blou Nyl-waterval (Tis-Isat-waterval) in die noordweste van Ethiopië is een van die grootste watervalle in Afrika.
Ligging[wysig | wysig bron]
Hierdie waterval in die Abayrivier, die plaaslike naam vir die Blou Nyl, lê noord-noordwes van Addis Abeba, suid van die Tanameer en 30 km stroomaf van Bahir Dar. Dit is net suidoos van die dorp Tis Isat (“ruisende water”) by 11°29′02″N 37°35′18″O / 11.48389°N 37.58833°OKoördinate: 11°29′02″N 37°35′18″O / 11.48389°N 37.58833°O. Net meer as ‘n kilometer stroomaf kruis ‘n brug wat dateer uit 1626 die rivier.
Waterval[wysig | wysig bron]
Die val is 42 m hoog, en bestaan uit vier strome. In die reënseisoen (Julie tot September) was die val al in die verlede tot 400 m breed. Ter wille van die hidroëlektriese kragsentrales word die watervlak van die Tanameer gereguleer. Dit voorkom die groot verskille in die volume water wat oor die waterval stort. Twee voetslaanpaaie lei na uitsigpunte oor die waterval.
Bibliografie[wysig | wysig bron]
- brilliant-ethiopia.com
- tripsavvy.com