Addis Abeba

in Wikipedia, die vrye ensiklopedie

Addis Abeba


Kaart Wapen
Vlag
 Land Vlag van Ethiopië Ethiopië
 Administratiewe gewes Addis Abeba
 Koördinate 09°01′N 38°45′O / 9.017°N 38.750°O / 9.017; 38.750
 Stigting 1886
 Oppervlakte:  
 - Totaal 527 vk km
 Hoogte bo seevlak 2 355 m
 Bevolking:  
 - Totaal (2008) 3 384 569
 - Metropolitaanse gebied 4 567 857
 - Bevolkingsdigtheid 5 165/vk km
 Tydsone UTC +3
 Burgemeester (party) Adanech Abebe

Addis Abeba is die hoofstad en grootste stad van Ethiopië en lê op 'n hoogte van 2 355 m. Die stad het 'n internasionale lughawe, 'n spoorlyn wat na die hawe van Djiboeti lei en 'n universiteit. Belangrike bedrywe sluit tabak, voedselprodukte, tekstiel, chemikalieë en sement in.

Geskiedenis[wysig | wysig bron]

Die stad is in 1886 deur Menelik II gestig en het reeds twee jaar later die hoofstad geword. Italië het dit van 1936 tot 1941 beset toe hulle dit die hoofstad van Italiaans-Oos-Afrika gemaak het.

Besienswaardighede[wysig | wysig bron]

Die St. George-katedraal, nasionale museum, nasionale biblioteek en Menelik II se graftombe is van die besienswaardighede vir die toeris. Die stad was die hoofkwartier van die Organisasie vir Afrika-eenheid en is steeds die hoofkwartier van die Verenigde Nasies se Ekonomiese Kommissie vir Afrika en van die Afrika-unie.

Bevolking[wysig | wysig bron]

Addis Abeba se bevolking is in 1992 op 1 763 000 geraam , maar het intussen toegeneem tot 3 384 569 (2008), wat dit die grootste stad maak in 'n land wat nié aan die see grens nie.

Eksterne skakels[wysig | wysig bron]