Bremerhaven

in Wikipedia, die vrye ensiklopedie
Spring na: navigasie, soek

Bremerhaven
Blick vom Radarfunkturm2.JPG

Kaart Wapen
Locator map HB (Bremerhaven) in Germany.svg
Wappen Bremerhaven.svg
Vlag
Bremerhaven.png
 Land Vlag van Duitsland Duitsland
 Deelstaat Flag of Bremen.svg Bremen
 Koördinate 53°33′N 08°35′O
 Stigting 1 Mei 1827
 Stadstatus 18 Oktober 1851
 Oppervlakte:  
 - Totaal 93,82 vk km
 Hoogte bo seevlak 2 m
 Bevolking:  
 - Totaal (31 Augustus 2013) 108 398[1]
 - Bevolkingsdigtheid 1 155,4/vk km
 Tydsone UTC +1 (MET)
 - Somertyd UTC +2 (MEST)
 Klimaat  
 - Tipe Gematigde seeklimaat
 - Gemiddelde jaarlikse temperatuur 9,4 °C
 - Gem. temp. Januarie/Julie 1,8 / 17,4 °C
 - Gemiddelde jaarlikse neerslae 741,5 mm
 Burgemeester Melf Grantz (SPD)
 Amptelike Webwerf bremerhaven.de

Bremerhaven is met 'n oppervlakte van 94 vierkante kilometer en 'n bevolking van sowat 108 000 die grootste stad aan die Duitse Noordseekus. Bremerhaven is op 1 Mei 1827 deur Bremiese koopmans as 'n seehawe vir die stad Bremen, wat sowat 60 kilometer suid van die kus lê, gestig en het op 18 Oktober 1851 stadstatus verkry. Vandag vorm Bremerhaven saam met Bremen die stadstaat Vrye Hansestad Bremen, die kleinste deelstaat van die Federale Republiek van Duitsland.

Die stad Bremerhaven in die deelstaat Bremen

Naas die hawe, wat tussen 1830 en 1974 die belangrikste seehawe vir Europese emigrante was van waar sowat sewe miljoen emigrante die seereis na hul nuwe oorsese tuislande begin het en wat vandag as die tweede grootste invoerhawe vir oorsese voertuie in Europa dien, vorm skeepsbou, voedselverwerking en toerisme die ekonomiese basis van die stad. Bremerhaven fungeer daarnaas as die kulturele en opvoedkundige sentrum vir sowat 300 000 bewoners van die gebied tussen die riviere Weser en Elbe.

Geografie[wysig]

Die stadshorison
Die Geestemonding

In Bremerhaven mond die Geesterivier in die Weser uit, wat op sy beurt naby die stad in die Noordsee uitmond. Bremerhaven se stadsgebied met die hawegeriewe en sluise langs die Buiteweser (Duits: Außenweser) strek oor 'n lengte van sowat 17 kilometer en 'n wydte van tot by vier kilometer. Die stad lê sowat twee meter bo seevlak, en die hoogste punt is 'n heuwel wat as uitloper van die Hohe Lieth sowat 11,1 meter bo seevlak verrys.

Die Hohe Lieth is 'n geestlandskap ('n soort sanderige terrein wat effens hoër geleë is) wat saam met die Bevenstedter Moorgeest suid van die Geesterivier die sogenaamde Wesermünder Geest vorm. Danksy die ligging op die Geest is die meeste ou stadswyke van die huidige Bremerhaven soos Lehe, Geestendorf en Wulsdorf teen stormvloede beskerm.

Die tweede landskap in die gebied, waar Bremerhaven oorspronklik gestig is, word Marsch genoem - die Wurster Marsch lê noord en die Würdener Marsch suid van die Geesterivier. Kleiner waddengebiede lê in die Weserrrivier.

Voor die kus lê die eiland Mellum, 'n belangrike voëlreservaat, en die vuurtoring Roter Sand, een van die bekendstes ter wêreld. Die eiland Helgoland kan vanaf Bremerhaven binne twee ure per skip bereik word.

Klimaat[wysig]

Danksy die nabyheid van die Noordsee het Bremerhaven 'n gelykmatige seeklimaat. Langdurige hittegolwe met temperature van meer as 30 °C kom in die somermaande nouliks voor, terwyl die kwik in die winter selde benede -10 °C daal. Sneeuval kom nouliks voor. Die stad het 'n gemiddelde jaarlikse reënval van 741,5 mm, waarby Junie en Julie die natste maande van die jaar is. Februarie is die droogste maand met 36 mm.

Die hoogste temperatuur, wat ooit in Bremerhaven aangeteken is, was 35,8 °C op 9 Augustus 1992, die laagste -18,6 °C op 25 Februarie 1956.[2]

Ekonomie[wysig]

Sedert die stadstigting in 1827 het die nabyheid van die see 'n sentrale rol by Bremerhaven se ekonomiese ontwikkeling gespeel. Vandag is die stad Europa se vierde grootste houerseehawe, een van die wêreld se belangrikste invoerhawe vir motors en 'n eersterangse logistiese sentrum.

Vis- en voedselverwerking speel eweneens al dekades lank 'n belangrike rol. Ondernemings in dié bedrywe dek die hele ketting van waardeskepping, met vervaardigers van bekende Duitse voedselhandelsmerke soos Frosta, Nordsee, Iglo en Deutsche See.

Bremerhaven se maritieme tradisies het daarnaas aanleiding gegee tot die vestiging van ondernemings wat hulle op die beplanning en vervaardiging van windplase op see toespits. Groot bedrae word in navorsing en ontwikkeling en moderne toeriste-aantreklikhede soos die Klimahaus Bremerhaven en die Deutsches Auswanderermuseum ("Duitse Emigrantemuseum") belê.

Verwysings[wysig]