Bruinnekraaf

in Wikipedia, die vrye ensiklopedie
Jump to navigation Jump to search
Bruinnekraaf
Wetenskaplike klassifikasie
Koninkryk: Animalia
Filum: Chordata
Klas: Aves
Orde: Passeriformes
Familie: Corvidae
Genus: Corvus
Spesie: C. ruficollis
(Lesson, 1830)
Binomiale naam
Corvus ruficollis
Verspreiding van die bruinnekraaf.
Verspreiding van die bruinnekraaf.
Sinonieme
  • Corvus umbrinus (Sundevall)

Die bruinnekraaf (Corvus ruficollis) is ’n groter voël (52-56 cm lank) as die aaskraai, maar kleiner as die gewone raaf. Dit het dieselfde afmetings as die gewone raaf, maar die snawel is nie so groot nie en die vlerke is effens meer gepunt. Die kop en keel is ’n kenmerkende bruinswart kleur, vandaar die naam, terwyl die res van sy vere swart met pers, blou of persblou is. Dit is een van die grootste raafspesies. Die voël se vere verdof redelik vinnig tot bruinswart. Die pote en snawel is swart.

Verspreiding en habitat[wysig | wysig bron]

Die spesie kom wydverspreid voor, oor feitlik die hele Noord-Afrika, suid tot so ver as Kenia en die Arabiese Skiereiland en noord tot in die Midde-Ooste en Suid-Iran. Dit kom voor in ’n oorwegend woestynomgewing, waar dit oases besoek.

Kos behels ’n groot verskeidenheid, insluitende aas, slange en sprinkane, gestrande vis in kusstreke, koring wat uit sakke gesteel word, dadels en ander vrugte. Dit is taamlik vreesloos as dit nie verwilder word nie, maar word vinnig skaam en versigtig as dit te veel aandag kry.

Neste[wysig | wysig bron]

Hul neste lyk baie soos die gewone raaf s’n en word aangetref in bome, op kranse en in ou geboue. Hulle lê gewoonlik vier tot vyf eiers, wat binne 20-22 dae uitbroei.

Eksterne skakels[wysig | wysig bron]