Cappuccino

in Wikipedia, die vrye ensiklopedie
Jump to navigation Jump to search
'n Koppie cappuccino. Bekwame baristas bedien hul cappuccino met prentjies in die melkskuim - 'n kunsvaardigheid waarna as latte art verwys word

Cappuccino is 'n Italiaanse koffiebereiding, oorspronklik afkomstig uit Wene, die koffiehoofstad van Europa, waar sterk mokkakoffie met 'n lagie slagroom (Schlagobers in Oostenrykse Duits) bedien is. Na hierdie bereiding is verwys as Kapuziner - blykbaar omdat die slagroomlagie baie op die helderbruin kleredrag van monnike uit die Kapusyne-orde gelyk het.

Gedurende die Eerste Wêreldoorlog het hierdie koffiebereiding danksy Oostenrykse soldate ook in Italië gewild geraak. Met die ontwikkeling van espressomasjiene, wat die drank met hoë stoomdruk kon berei, het cappuccino in sy moderne ligte vorm - met melkskuim in plaas van slagroom - een van die gunstelingdranke in Italiaanse koffiehuise en restaurante geword.[1]

Cappuccino bestaan uit melkskuim (Italiaans: schiuma di latte), melk en 'n dubbele espresso (sterk koffie). Soms word daar ook kakaopoeier of kaneel oor gestrooi.

Verwysings[wysig | wysig bron]