Carl en Emily Fuchs Instituut vir Mikroëlektronika
.JPG)
Die Carl en Emily Fuchs Instituut vir Mikroëlektronika (CEFIM) het sy 25ste verjaardag op 22 Junie 2007 gevier. CJ Fuchs (Edms) Bpk is in 1929 deur Carl en Emily Fuchs gestig "in 'n verlate perdestal, met 'n vrou, 'n hond en geen geld" (Carl Fuchs se eie woorde). Die egpaar was toegewyde en harde werkers en die maatskappy het gegroei tot so 'n mate dat dit 'n huishoudelike naam in Suid-Afrika geword het, bekend vir die uitstekende gehalte van sy huishoudelike elektriese toestelle. Die maatskappy het later ook industriële elektriese toerusting en elektroniese stelsels vervaardig, asook kleurtelevisiestelle in die 1950's. Die egpaar het geen kinders gehad nie en het die Carl en Emily Fuchs Stigting vir Liefdadigheid begin om onderwys in Suid-Afrika te ondersteun. In 1981 het die Universiteit van Pretoria die stigting genader om die grondslag vir 'n permanente mikroëlektronika fasiliteit by die universiteit te vestig. Die Fuchs Stigting het ingestem en die instituut is gestig.[1]
Verwysings[wysig | wysig bron]
- ↑ "Universiteit van Pretoria: UPSpace, besoek op 4 Oktober 2015". Geargiveer vanaf die oorspronklike op 5 Maart 2016. Besoek op 4 Oktober 2015.
Koördinate: 25°45′06″S 28°13′53″O / 25.751780°S 28.231459°O