Charles Lanyon

in Wikipedia, die vrye ensiklopedie
Jump to navigation Jump to search
Charles Lanyon
Gebore (1813-01-06)6 Januarie 1813
Eastbourne, Sussex, Engeland
Oorlede 31 Mei 1889 (op 76)
Whiteabbey, graafskap Antrim, Ierland
Nasionaliteit Vlag van Verenigde Koninkryk Verenigde Koninkryk
Ouers John Jenkinson Lanyon
Catherine Anne Mortimer
Beroep argitek
Bekend vir Kasteel Belfast, kasteel Leslie, Lanyon-gebou by Queen's University Belfast
Charles Lanyon: Palmhuis in die botaniese tuin van Belfast

Sir Charles Lanyon (* 6 Januarie 1813 in Eastbourne, Sussex, Engeland; † 31 Mei 1889 in Whiteabbey, graafskap Antrim, Ierland) was 'n Engelse argitek wat hoofsaaklik bekendheid verwerf het met sy ontwerpe vir openbare geboue in Belfast tussen 1840 en 1860. In 1862 het hy die amp van burgemeester van Belfast beklee en was tussen 1866 en 1868 afgevaardigde vir dié stad in die Britse parlement. In 1868 is hy tot ridder geslaan.

Lanyon het hom in die vroeë 1830's in Dublin gevestig. In 1835 is hy as opmeter in Kildare benoem en het in die volgende jaar noordwaarts verhuis om opmeter van Antrim te word - 'n pos wat hy tot en met 1860 beklee het. In dié tydperk het hy 'n aantal belangrike openbare bouprojekte verwesenlik soos die Glendun-padviaduk, die meeste spoorweë in Antrim asook dié graafskap se kuspad.

Daarnaas het Lanyon 'n aantal belangrike herehuise ontwerp of herontwerp, waaronder Drenagh (naby Limavady) en Ballywalter Park.[1]

Verwysings[wysig | wysig bron]

  1. Belfast Civic Trust and Ulster-Scots Agency: Historic Belfast - City Centre architectural walking trail. Brosjure sonder jaargetal

Eksterne skakels[wysig | wysig bron]