John Fairbairn
John Fairbairn | |
|---|---|
 | |
| Gebore | 9 April 1794 |
| Sterf | 5 Oktober 1864 (op 70) |
| Nasionaliteit | .svg){kind=small} Verenigde Koninkryk |
| Beroep | Onderwyser, koeranteienaar, politikus en finansierder |
John Fairbairn (1794–1864) was 'n joernalis en staatsman. Hy is 1794 in Roxburgh, Skotland gebore. Hy kom in 1823 in Suid-Afrika aan en open 'n skool. Hy stig die South African Journal wat 'n kort bestaan gehad het. Daaruit ontwikkel die South African Commercial Advertiser wat in Januarie 1824 begin het. Hy het later alleenbesitter daarvan geword. Dit het wrywing tussen hom en lord Charles Somerset veroorsaak. Nadat dit herhaaldelik aan sensuur onderwerp is, het hy eindelik die reg verkry om dit sonder inmenging te publiseer en het sodoende die vryheid van die Suid-Afrikaanse pers bewerkstellig. Hy word 'n nasionale figuur en werk vir baie hervormings deur sy koerant. Hy verwerf opnuut gewildheid deur in 1849 sy steun toe te sê aan die Anti-Bandietsbweging. In 1850 was hy lid van die deputasie na Engeland wat uitgeloop het op die toekenning van selfregering aan die Kaapkolonie. Hy word verkies tot die Wetgewende Raad. Van 1854 as was hy die voorsitter van die Suid-Afrikaanse Onderlinge Lewensversekeringsgenootskap wat hy help stig het. Hy is oorlede in 1864.
Bronne[wysig | wysig bron]
- Rosenthal, Eric (red.). Ensiklopedie van Suidelike Afrika. Londen en New York: Frederick Warne & Kie Bpk.
