Chelsea, Londen

in Wikipedia, die vrye ensiklopedie
Spring na: navigasie, soek
Chelsea
London - Chelsea (6255258778).jpg
Ligging van Chelsea op 'n kaart (Groter Londen)
Chelsea
Chelsea
Koördinate: 51°29′15″N 0°10′06″W / 51.48750°N 0.16833°W / 51.48750; -0.16833Koördinate: 51°29′15″N 0°10′06″W / 51.48750°N 0.16833°W / 51.48750; -0.16833
Land Vlag van Verenigde Koninkryk Verenigde Koninkryk
Land Flag of England.svg Engeland
Graafskap Groter Londen
Borough Royal Borough of Kensington and Chelsea
Tydsone MGT (UTC±00:00)
 - Somer (DST) BST (UTC+01:00)
Poskode SW3
Skakelkode(s) 020

Chelsea is 'n welgestelde stadsdeel van Sentraal-Londen wat King's Road insluit en vir sy duur huise, modieuse winkels en sy sokkerspan bekend is.[1]

Chelsea word in die suide deur die Teemsrivier begrens. Sy rivierfront strek vanaf Chelsea-brug langs die Chelseawal (Chelsea Embankment), Cheyne Walk, Lots Road en Chelsea-hawe. Die Westbourne-rivier, wat tans deur 'n pyp bo-oor die Sloane Square-moltreinstasie vloei, het oorspronklik sy oostelike grens gevorm. Tans word Chelsea Bridge Road en die laer gedeelte van Sloane Street insluitende Sloane Square as sy oostelike grens beskou.

In die noorde en noordweste is daar 'n vloeiende oorgang na die aangrensende buurte Knightsbridge en South Kensington, maar gewoonlik word die gebied, wat noord van King's Road tot Fulham Road in die noordweste strek, as 'n deel van Chelsea beskou. Ook die welbekende sokkerklub Chelsea FC word met die gelyknamige stadsdeel verbind, alhoewel dit in die Londense Borough of Hammersmith and Fulham gesetel is.

Die huidige distrik is een van die twee naamgewende stadsdele van die Royal Borough of Kensington and Chelsea. Vanaf 1900 tot en met die vorming van Groter Londen in 1965 het Chelsea deel uitgemaak van die Metropolitan Borough of Chelsea in die graafskap Londen.

King's Road

Chelsea was vir die grootste deel van sy geskiedenis 'n gesogte woonbuurt vir welvarendes. In die Tudortydperk was dit aantreklik genoeg vir koning Hendrik VIII om hier 'n paleis te laat oprig. Die panoramiese uitsig vanuit Cheyne Walk oor die Teems het later beroemde skilders soos Turner, Whistler en Rossetti na Chelsea gelok. Die geskiedkundige Thomas Carlyle en die essayis Leigh Hunt het hulle in die 1830's in die buurt gevestig en van Chelsea 'n gewilde woonplek vir literêre persoonlikhede gemaak wat later ook die digter en toneelskrywer Algernon Charles Swinburne (1837–1909) sou insluit.

Later het kunstenaars en studente van Chelsea 'n boheemse buurt gemaak. Die modewinkels van die 1960's het egter lankal plek gemaak vir kunsgalerye en antikwiteitewinkels. Die eksklusiwiteit van Chelsea, wat uit die betreklik hoë eiendomspryse voortspruit, het daartoe gelei dat na plaaslike bewoners dikwels as Sloane Rangers verwys word.

Maar daar was ook skadukante. In die 18de eeu was Chelsea se parke en tuine die geskikte plek om met courtisane te ontmoet, terwyl die Chelsea Arts Club sy berugte balle in die buurt gehou het.

Sien ook[wysig | wysig bron]

Verwysings[wysig | wysig bron]

  1. HAT Taal-en-feitegids, Pearson, Desember 2013, ISBN 978-1-77578-243-8