Chris Muller

in Wikipedia, die vrye ensiklopedie
Chris Muller
Gebore
Christiaan Hendrik Muller

4 Januarie 1865
Sterf1945
NasionaliteitSuid-Afrika
Bekend virBoeregeneraal

Generaal Chris Muller (1865 – 1945) was 'n Boeregeneraal tydens die Anglo-Boereoorlog. Hy volg genl. Ben Viljoen as aanvoerder van die Boeremagte in die Oos-Transvaal op na Viljoen se gevangeneming op 25 Januarie 1902.

Beknopte biografie[wysig | wysig bron]

Christiaan Hendrik Muller is op 4 Januarie 1865 in die Kaapkolonie gebore. Hy groei in die Vrystaat en later in die Transvaal op waar hy in verskeie naturelleveldtogte geveg het. Hy veg in die Tweede Vryheidsoorlog as korporaal in die Boksburgkommando en word later tot generaal bevorder vanweë sy uitmuntende kennis van wapens.

Muller was saam met Ben Viljoen by die Slag van Helvetia betrokke. Die slag vind op 29 Desember 1900 by Helvetia, 10km noord van Machadodorp plaas. Die Boere behaal 'n oorwinning oor die Britse Magte onder leiding van Majoor Cotton. Beide die Boeremag en die Britse mag was 350 man sterk, terwyl die Britte ook 'n kanon van 120mm tot hulle beskikking gehad het. Muller sou later veral bekend word vir die buiting van hierdie kanon, genaamd die 'Lady Roberts'.

Hy neem deel aan die vredesonderhandelinge by Vereeniging. In later jare was hy die direkteur van die Landbank. In 1914 was hy by die Maritz-rebellie betrokke. Hy was ook 'n aantal jare parlementslid.

Muller is in 1945 in Johannesburg oorlede.

Bronne[wysig | wysig bron]

Verdere leesstof[wysig | wysig bron]

  • Oorlogsherinneringe van generaal Chris. H. Muller, Nasionale Pers, 1936, 212 bladsye

Eksterne skakels[wysig | wysig bron]