Christiaan Thielemann

in Wikipedia, die vrye ensiklopedie
Christiaan Thielemann repeteer by die Weense Staatsopera, 2015

Christiaan Thielemann (*1 April 1959, Wes-Berlyn) is 'n Duitse dirigent. Hy is die hoofdirigent van die Staatskapelle Dresden en die Direkteur van die Salzburgse Paas-fees.

Biografie en loopbaan[wysig | wysig bron]

Thielemann het altviool en klavier by die Hochschule für Musik in Berlyn studeer en privaatlesse in komposisie en dirigeer geneem voordat hy op die ouderdom van negentien jaar 'n répétiteur by die Deutsche Oper Berlin onder Heinrich Hollreiser[1] geword het en as Herbert von Karajan se assistent gewerk het.[2] Hy het by 'n aantal kleiner Duitse teaters gewerk, insluitende die Musiktheater im Revier in Gelsenkirchen, Karlsruhe en Hannover; by Düsseldorf se Deutsche Oper am Rhein as Eerste Kapellmeister; en in Nürnberg as Generalmusikdirektor, voordat hy in 1991 na die Deutsche Oper Berlin teruggekeer het om Wagner se Lohengrin te dirigeer. Gedurende hierdie tyd het hy ook vir Daniel Barenboim by die Bayreuth Festspielhaus bygestaan.

Sy 1991/92 seisoenbuiging in die VSA, waartydens hy 'n nuwe produksie van Strauss se Elektra in San Francisco gedirigeer het, is vinnig gevolg deur betrekkinge aan die Metropolitan Opera in New York. In 1997 het hy Generalmusikdirektor van die Duitse Opera in Berlyn (Deutsche Oper Berlin) geword. 'n Verslag uit 2000 maak melding daarvan dat Thielemann die Deutsche Oper in 2001 sou verlaat vanweë artistieke konflikte met die toe-inkomende artistieke direkteur, Udo Zimmermann.[3] Thielemann het tot 2004 by die geselskap gebly toe hy bedank het vanweë meningsverskille betreffende die Berlynse stadsbefondsing tussen die Deutsche Oper en die Berlynse Staatsopera (Staatsoper Unter den Linden).[4]

Thielemann het in September 2004 hoofdirigent en musiekdirekteur van die München Filharmoniese Orkes geword. Hy het uit die posisie bedank in 2011 na meningsverskille met die orkesbestuur oor die finale goedkeuring van die kies van gas-dirigente en programme vir die orkes.[5] In Oktober 2009 het die Sächsische Staatskapelle Dresden die aanstelling van Thielemann as die orkes se nuwe hoofdirigent aangekondig, met ingang van die 2012/13 seisoen.[6] Sy huidige kontrak met Dresden is met inbegrip van 2019.[7] In November 2017 het die Staatskapelle Dresden die verlenging van Thielemann se kontrak as die orkes se hoofdirigent aangekondig, met inbegrip van 31 Julie 2024.[8]

Thielemann tree gereeld as dirigent op tydens die Bayreuth-fees, na sy debuut in 2000 met Wagner se Die Meistersinger von Nürnberg, en by die Salzburg-fees.[9] Met die besluit in September 2008 van die Richard Wagner Feesstigting om Katharina Wagner en Eva Wagner-Pasquier aan te stel om Wolfgang Wagner as direkteure van die Bayreuth-fees op te volg, is Thielemann as Musiekadviseur benoem.[10] In Junie 2015 het die Bayreuth-fees formeel vir Thielemann as die fees se nuwe musiekdirekteur aangekondig.[11]

In 2003 is die Orde van Verdienstelikheid van die Federale Republiek van Duitsland aan Thielemann toegeken. (Duits: Bundesverdienstkreuz).[12] In Oktober 2011 het hy erelidmaatskap van die Koninklike Akademie van Musiek in Londen ontvang. In 2015 het Thielemann die Richard Wagner-prys van Leipzig gewen (Duits: Richard-Wagner-Preis).[13] Hy het in Januarie 2016 as die Humanitas Besoekende Professor in Operastudies aan Oxford-universiteit gedien. Hy het in 2019 vir die eerste keer die Weense Filharmoniese Orkes tydens die Nuwejaarskonsert gedirigeer.

Opnames[wysig | wysig bron]

Vir Sony Music

Vir Profil

  • Anton Bruckner, Simfonie No. 8, Sächsische Staatskapelle Dresden, Oktober 2010

Vir Opus Arte

  • Richard Wagner, Der Ring des Nibelungen met Michelle Breedt, Albert Dohmen, Stephen Gould, Hans-Peter König, Linda Watson en Eva-Maria Westbroek, Bayreuth-feesorkes, lewendig opgeneem gedurende die 2008 Fees, November 2009

Vir Brilliant Classics

vir Decca

Vir Deutsche Grammophon

  • Der kleine Hörsaal, Dirigieren mit Christian Thielemann, Julie 2007
  • Beethoven, Ouverture "Egmont" en Brahms se Simfonie No. 1, München Filharmoniese Orkes, April 2007
  • Mozart, Mis, München Filharmoniese Orkes en Koor van die Beiere Radio-simfonieorkes, November 2006
  • Wagner, Parsifal, Koor en orkes van die Weense Staatsopera, April 2006
  • Bruckner, Simfonie No. 5, München Filharmoniese Orkes, Maart 2005
  • Heinrich Marschner, Mendelssohn, Otto Nicolai, von Weber, Richard Wagner, Ouvertures, Weense Filharmoniese Orkes, Oktober 2004
  • Richard Wagner, Tristan und Isolde, Orkes van die Weense Staatsopera, Mei 2004
  • Strauss, Ein Heldenleben en die Simfonie Fantasie Die Frau ohne Schatten, Weense Filharmoniese Orkes, Augustus 2003
  • Albert Lortzing, Richard Strauss, von Weber, Richard Wagner, Deutsche Opernarien met Thomas Quasthoff en die Orkes van die Duitse Opera van Berlyn, April 2002
  • Schumann, Simfonie No. 1 en No.4, Philharmonia Orchestra, 2001
  • Richard Strauss, Arabella met Kiri Te Kanawa en die Orkes en Koor van die Metropolitan Opera, Maart 2001
  • Richard Strauss, 'n Alpynse Simfonie en Suite van Der Rosenkavalier, Weense Filharmoniese Orkes, Maart 2001
  • Schoenberg, Pelleas und Melisande en Richard Wagner se Siegfried Idyll, Junie 1999
  • Orff, Carmina Burana, Koor en Orkes van die Duitse Opera in Berlyn, Mei 1999
  • Robert Schumann, Simfonie No. 3 - die "Rynse", Ouverture "Genoveva", Op. 81, Ouverture, Scherzo en Finale, Op. 52, Philharmonia Orchestra, 1999
  • Richard Wagner, Orkestrale Musiek (Lohengrin, Parsifal, Tristan und Isolde), Philadelphia Simfonieorkes, Februarie 1998
  • Robert Schumann, Simfonie No. 2, Ouverture Manfred, Konsert vir vier Horings, Op. 86, Philharmonia Orchestra, September 1997
  • Beethoven, Begrafniskantate by die Dood van Keiser Joseph II, Robert Schumann, Konzertstück, Op. 86, vir vier Horings en Orkes, Hans Pfitzner, Palestrina (Preludes tot die 1ste en 2de bedrywe), 1997
  • Hans Pfitzner, Musiek uit Palestrina; Das Käthchen von Heilbronn; Richard Strauss, prelude tot die opera Guntram, prelude tot die opera Capriccio, liefdestoneel uit Feuersnot, Orkes van die Duitse Opera in Berlyn, 1996

Vir EMI Classics

  • Richard Wagner en Richard Strauss, Arias deur René Kollo, Orkes van die Duitse Opera in Berlyn, 1992

Vir Unitel Classica

  • Strauss, Arabella. Lewendige opname tydens die Salzburgse Paas-fees van 2014. DVD en Blue Ray met Renée Fleming, Thomas Hampson (baritoon), Hanna-Elisabeth Müller, Daniel Behle. Verhoogdirekteur: Florentine Klepper, Sächsischer Staatsopernchor en Staatskapelle Dresden. Unitel Classica, September 2014.

TV en film produksies[wysig | wysig bron]

Produksies oor Thielemann[wysig | wysig bron]

  • Christian Thielemann, dokumentêre film, Duitsland, 2012, geregisseer deur Mathias Siebert, vervaardig deur Bremedia Produktion, Radio Bremen, Mitteldeutscher Rundfunk, in die uitgawe/episode Deutschland, deine Künstler. Inligting Geargiveer 10 April 2015 op Wayback Machine deur ARD, Aanlyn-Video
  • Christian Thielemann – Romantischer Querkopf, dokumentêre film deur Felix Schmidt, 2007, vervaardig deur FTS Media en Unitel, mede-vervaardig deur Classica
  • Deurnag met Christoph Schlingensief en Christiaan Thielemann (Durch die Nacht mit ...), dokumentêre film, Duitsland, 2002, geregisseer deur: Edda Baumann-von Broen en Daniel Finkernagel, vervaardig deur: avanti media, ZDF en arte. Inligting deur avanti media

Produksies met Thielemann[wysig | wysig bron]

  • Frederick die Grote Mengsel (Der Große Friedrich Remix - Musik um den Preußenkönig), geregisseer deur Friederike Schlumbom, 18 Oktober 2012, Rundfunk Berlin-Brandenburg
  • Ontdek Beethoven (Beethoven entdecken), dokumentêre TV-reeks, Duitsland, Oostenryk, 2011, geregisseer deur Christoph Engel en Anca-Monica Pandelea, vervaardig deur: Unitel Classica, Österreichischer Rundfunk, ZDF, 3sat
    Joachim Kaiser en Christiaan Thielemann gesels oor die nege simfonieë van Beethoven. Inligting en video deur sky arts

Verdere leeswerk[wysig | wysig bron]

  • Christian Thielemann. Ein Portrait – Warnecke, Kläre (2003), Henschel, Berlyn. ISBN 3-89487-465-1

Ander werke[wysig | wysig bron]

  • Mein Leben mit Wagner – Thielemann, Christian (2012), Beck, München. ISBN 978-3-406-63446-8
  • Friedrichstein. Das Schloss der Grafen von Dönhoff in Ostpreußen – Heck, Kilian and Thielemann, Christian (2006), Deutscher Kunstverlag, München/ Berlyn. ISBN 3-422-06593-8

Verwysings[wysig | wysig bron]

  1. "Obituary for Heinrich Hollreiser". The Times (in Engels). 28 Augustus 2006. Geargiveer vanaf die oorspronklike op 22 Mei 2011. Besoek op 24 Februarie 2007.
  2. Warnecke (2003)
  3. Denis Staunton (29 Oktober 2000). "Berlin's maestros out of tune in race rown". The Observer. Besoek op 24 Maart 2007.
  4. Kate Connolly (18 Mei 2004). "Berlin opera chief quits in cash row". The Daily Telegraph. Besoek op 24 Februarie 2007.[dooie skakel]
  5. ""Intrigantenstadel" – Philharmoniker ausgebuht". Süddeutsche Zeitung (in Duits). 16 Oktober 2009. Geargiveer vanaf die oorspronklike op 21 Desember 2009. Besoek op 17 Oktober 2009.
  6. . Persberig. http://www.staatskapelle-dresden.de/staatskapelle/christian-thielemann. Besoek op 4 Desember 2010. 
  7. "Bei der Staatskapelle Dresden beginnt die Thielemann-Ära". Die Zeit (in Duits). 27 Augustus 2012. Geargiveer vanaf die oorspronklike op 2 Desember 2017. Besoek op 25 Oktober 2014.
  8. . Persberig. http://www.staatskapelle-dresden.de/news/article/vertragsverlaengerung-von-christian-thielemann-beschlossen/56180/. Besoek op 2017-12-01. 
  9. Moss, Stephen (20 Julie 2006). "'The only star here is dead'". The Guardian (in Engels). Geargiveer vanaf die oorspronklike op 1 Augustus 2019. Besoek op 7 Mei 2016.
  10. "Looking back and looking forward" (in Engels). Bayreuther Festspiele. 28 Augustus 2010. Geargiveer vanaf die oorspronklike op 11 Junie 2011. Besoek op 4 Desember 2010.
  11. "Christian Thielemann wird Musikdirektor in Bayreuth". Der Tagesspiegel (in Duits). 29 Junie 2015. Geargiveer vanaf die oorspronklike op 5 Augustus 2019. Besoek op 29 Junie 2015.
  12. Senatskanzlei (25 September 2003). "Wowereit überreicht Generalmusikdirektor Thielemann Bundesverdienstkreuz" (in Duits). Press release by the State of Berlin. Geargiveer vanaf die oorspronklike op 2 April 2012. Besoek op 4 Desember 2010.
  13. Richard Wagner Award for conductor Thielemann, News Directory, 4 Maart 2015. Geargiveer op Wayback Machine

Eksterne skakels[wysig | wysig bron]