Clay Regazzoni
Gianclaudio Giuseppe "Clay" Regazzoni (5 September 1939 – 15 Desember 2006) was 'n Switserse renjaer. Hy het van 1970 tot 1980 aan Formule Een-renne deelgeneem en vyf Grands Prix gewen. Sy eerste oorwinning was die Italiaanse Grand Prix op Monza in sy debuutseisoen, teryl hy vir Ferrari gery het. Hy het tot 1972 by die Italiaanse span gebly. Na 'n enkele seisoen by BRM, het Regazzoni vir 'n verdere drie jaar, 1974 tot 1976, na Ferrari teruggekeer. Nadat hy Ferrari uiteindelik aan die einde van 1976 verlaat het, het Regazzoni by die Ensign- en Shadow-spanne aangesluit, voordat hy in 1979 na Williams verskuif het, waar hy die Britse span se eerste Grand Prix-oorwinning ooit behaal het, die 1979 Britse Grand Prix op Silverstone.
Hy is vir 1980 deur Carlos Reutemann by Williams vervang en het teruggeskuif na Ensign. Ná 'n ongeluk by die 1980 Verenigde State Grand Prix West is hy van sy middellyf af verlam gelaat, wat sy loopbaan in Formule Een beëindig het. Regazzoni het egter nie opgehou jaag nie; hy het gedurende die laat 1980's en vroeë 1990's aan die Parys-Dakar-tydren deelgeneem en Sebring 12 uur met 'n handbeheerde motor. In 1996 het Regazzoni 'n kommentator vir Italiaanse TV geword.
Hy was bekend as 'n onverskrokke renjaer; Jody Scheckter het gesê dat "as hy 'n cowboy was, sou hy die een met die swart hoed wees." [1] Regazzoni sterf op 15 Desember 2006 in 'n motorongeluk in Italië.
Verwysings[wysig | wysig bron]
- ↑ Scheckter, Jody (6 Desember 1975). "Motorsport: Still in the land of the Hamburger". SA Motor. Kaapstad, Suid-Afrika: Scott Publications: 46.
Eksterne skakels[wysig | wysig bron]
- 1974 Verenigde State Grand Prix www.gpracing.net192.com besoek 1 Maart 2007.
- Chequered Flag Motorsport's Tribute to Clay
- Aiutiamo la paraplegia – Club Clay Regazzoni Onlus. Die enigste klub wat deur Clay Regazzoni self gemagtig is.
