Compolgebou

in Wikipedia, die vrye ensiklopedie
Jump to navigation Jump to search

Die Compolgebou (Commissioner of Police gebou) is 'n historiese gebou op die hoek van Pretorius en Volkstemstraat in Pretoria wat aanvanklik as die Nieuwe Goewermentsgebou bekend gestaan het. Dit is deur Sytze Wierda ontwerp en in die 1890's gebou. In 1913 is die gebou deur die Suid-Afrikaanse Polisie (SAP) oorgeneem en het dit van Junie 1925 tot Julie 1959 as polisiehoofkwartier gedien. Van 1963 tot 1967 is die gebou deur die polisie se veiligheidstak gebruik. In die Apartheidsjare was die gebou berug vir die ondervraging van politieke gevangenes, waaronder Tokyo Sexwale en Breyten Breytenbach, in die ondervragingsfasiliteit wat as die gat bekendgestaan het. Die SAP opleidingsmuseum het in September 1967 in die gebou ingetrek nadat dele van die veiligheidstak na die nuwe kantore in Wachthuis geskuif het. Tans word die gebou gebruik as Polisiemuseum.[1]

Verwysings[wysig | wysig bron]

Koördinate: 25°44′53.45″S 28°11′12.40″O / 25.7481806°S 28.1867778°O / -25.7481806; 28.1867778