D.F. Malanbrug
Die D.F. Malanbrug verbind Noordoewer in Namibië oor die Oranjerivier met Vioolsdrif in Suid-Afrika.[1]
Vir baie jare was die toegangsroete tussen Suid-Afrika en Namibië met ponte oor die Oranje by Goodhouse en Vioolsdrif. Op 28 November 1956 is die D.F. Malanbrug oopgestel. Dit vorm die mees noordelike punt van die N7-hoofpad vanaf Kaapstad en die mees suidelike punt van die B1-hoofpad vanaf Angola via Windhoek en Grünau. Die brug is 150 km suidwes van Karasburg, 110 km noord van Springbok, 350 km van die Oranje se mond, 300 m bo seespieël en nagnoeg by 28° 47′ suid en 17° 38′ oos. Die dubbelbaanbrug is 350 m lank, 9 m breed en 12 m bo die rivierbedding.
Hierdie brug het die besproeiingsboere van die omgewing nader aan en vinniger by die spoorwegeindpunt by Bitterfontein en dus die markte vir hul produkte gebring.