Daniil Medvedev

in Wikipedia, die vrye ensiklopedie
Daniil Medvedev
DaniilMedvedevSS19shooting.jpg
Daniil Medvedev in 2019
Volle naam Daniil Sergeyevich Medvedev
Даниил Сергеевич Медведев
Land Vlag van Rusland Rusland
Woonplek Monte Carlo, Monaco[1]
Geboortedatum 11 Februarie 1996 (1996-02-11) (26 jaar oud) [1]
Geboorteplek Moskou, Rusland[1]
Lengte 1,98 m[1]
Gewig 83 kg[1]
Begin professioneel 2014[1]
Spelstyl Regshandig (tweehandige handrughou)[1]
Loopbaan-wengeld $26 791 509 (soos op 31 Januarie 2023)[1] (13de van alle tye)[2]
Enkelspel
Loopbaanrekord 272–120 (69,4%)[1]
Loopbaantitels 15[1]
Hoogste rang No. 1 (28 Februarie 2022)[1]
Huidige rang No. 12 (31 Januarie 2023)[1]
Grand Slam-uitslae
Australiese Ope E (2021, 2022)
Junior 3R (2014)
Franse Ope KE (2021)
Junior 3R (2014)
Wimbledon 4R (2021)
VSA-Ope W (2021)
Toereindronde W (2020)
Olimpiese Spele KE (2020)
Dubbelspel
Loopbaan-rekord 16–23 (41,0%)[1]
Loopbaantitels 0[1]
Hoogste rang No. 170 (19 Augustus 2019)[1]
Australiese Ope 1R (2017)
VSA-Ope 2R (2017)
Olimpiese Spele 1R (2020)
Laaste opgedateer op: 31 Januarie 2023.

Daniil Sergeyevich Medvedev (Russies: Дании́л Серге́евич Медве́дев; Afrikaanse transliterasie: Danijil Sergejewitsj Medwjedef; gebore 11 Februarie 1996) is 'n Russiese professionele tennisspeler. Hy is tans no. 2 op die wêreldranglys van mansenkelspelspelers volgens die ATP. In die eindrondte van die Amerikaanse Ope van 2021 het Medvedev die belangrikste wedstryd in die geskiedenis van moderne tennis gewen deur die no. 1-speler, Novak Djokovic, te klop en te voorkom dat hy slegs die derde man word wat 'n kalender-Grand Slam wen.[3]

Met sy wenslag in die eindstryd van die ATP-jaareindtoernooi van 2020 het Medvedev die eerste en enigste speler geword wat die wêreld se drie topspelers geklop het op pad na die jaareind-kampioenetitel. Medvedev was ook die naaswenner in die Amerikaanse Ope van 2019 en die Australiese Opes van 2021 en 2022.

Loopbaan[wysig | wysig bron]

Medvedev het in 2015 in 'n dubbelspel in die Kremlinbekertoernooi gespeel en sy eerste enkelspeltitel in 2016 in Rosmalen gewen. In 2017 het hy vir die eerste keer aan 'n major deelgeneem: die Wimbledonkampioenskap, waar hy Stan Wawrinka, toe die wêreld se no. 3-speler, verslaan het. In 2018 het Medvedev sy eerste ATP-titels gewen in Sydney en Winston-Salem, asook sy eerste ATP 500-titel in Tokio. Hy het in 2019 'n ATP-deurbraak behaal deur sy top-10-debuut ná Wimbledon te maak en ses agtereenvolgende toereindstryde te wen, onder meer die Amerikaanse Ope.

Medvedev is bekend vir sy kragtige afslane en aggressiewe agterlynspel.[4]

Grand Slam-rekord[wysig | wysig bron]

Daniil Medvedev tydens die Wimbledon-kampioenskap in 2017
Daniil Medvedev tydens die Wimbledon-kampioenskap in 2018

Die tabel toon Medvedev se prestasie tydens elk van die Grand Slam-toernooie in mansenkels waaraan hy deelgeneem het:

Jaar Australiese Ope Franse Ope Wimbledon VSA-Ope
2016 Nie ingeskryf nie Nie ingeskryf nie K3 K1
2017 Rondte 1 Rondte 1 Rondte 2 Rondte 1
2018 Rondte 2 Rondte 1 Rondte 3 Rondte 3
2019 Rondte 4 Rondte 1 Rondte 3 Eindstryd
2020 Rondte 4 Rondte 1 Toernooi nie gehou nie Halfeindstryd
2021 Eindstryd Kwarteindstryd Rondte 4 Wenner
2022 Eindstryd Rondte 4 Nie deelgeneem nie Rondte 4
2023 Rondte 3

Verwysings[wysig | wysig bron]

  1. 1,00 1,01 1,02 1,03 1,04 1,05 1,06 1,07 1,08 1,09 1,10 1,11 1,12 1,13 1,14 (en) "Player profile – Daniil Medvedev". ATP World Tour. Besoek op 31 Januarie 2023.
  2. (en) "Career Prize Money" (PDF). Pro Tennis Live. 31 Januarie 2023. Besoek op 31 Januarie 2023.
  3. https://www.reuters.com/lifestyle/sports/medvedev-wins-us-open-end-djokovic-calendar-grand-slam-bid-2021-09-12/
  4. (en) "When Daniil Medvedev plays corner arithmetic with his opponent". tennisnet.com. 9 Februarie 2021. Besoek op 13 Februarie 2021.

Skakels[wysig | wysig bron]