Monte Carlo

in Wikipedia, die vrye ensiklopedie
Spring na: navigasie, soek
Monte Carlo
Monte-Carlo / Monte-Carlu
Spélugues
'n Uitsig oor Monte Carlo (en Monaco) soos vanaf die ooste gesien.
'n Uitsig oor Monte Carlo (en Monaco) soos vanaf die ooste gesien.
Ligging van Monte Carlo op 'n kaart (Frankryk)
Monte Carlo
Monte Carlo
Koördinate: 43°44′23″N 7°25′38″O
Land Vlag van Monaco Monaco
Stigting 1 Julie 1866
Oppervlak
 - Stad 0,61 km²  (0,234 vk m)
Bevolking (2008)
 - Stad 14 586
Poskode 98000
Skakelkode(s) 0377
Webwerf: monte-carlo.mc

Monte Carlo (Frans: Monte-Carlo, Monegaskies: Monte-Carlu) is die vernaamste woonkwartier van die stadstaat Monaco, 'n onafhanklike prinsdom aan die Franse Côte d'Azur (Middellandse See).

Die buurt dra sy Italiaanse naam sedert 1 Julie 1866 ter ere van Prins Charles III van Monaco. Die snelle groei van Monte Carlo het anderkant die grens tot die stigting van 'n Franse voorstad, Beausoleil, gelei.

Geskiedenis[wysig]

Die kasino van Monte Carlo
'n Nagtelike uitsig oor die kasino

Die Prins van Monaco verleen in 1856 sy toestemming om 'n kasino in Monaco te open. Die eerste instelling in die historiese stadskern van Monacostad (Monaco Ville of Munegu Autu), wat in 1862 ingewy is, raak nie regtig gewild nie. Een jaar later word 'n beskeie gebou in Monte Carlo opgerig. Dinge verander drasties met die koms van François Blanc, die voormalige direkteur van die kasino in Bad Homburg, 'n luukse spa in die huidige Duitse deelstaat Hessen. Danksy die talent en die kapitaal van hierdie nuwe lisensiehouer ontwikkel die kasino tot 'n gewilde ontmoetplek vir die welgesteldes, en sy oorspronklike gebou word deur 'n luukse paleis vervang.

Die kasino, wat van tuine omring word, spog met 'n terras wat 'n uitsig oor Monaco en tot by die Italiaanse Bordighera bied. Die huidige gebouekompleks bestaan uit die ou wesvleuel aan die seekant, wat in 1878 deur die argitek Charles Garnier opgerig is. Die jongste deel van die gebou dateer uit die jaar 1910 en huisves die teater en speelhalle met hulle pragtige muurtapyte, skilderye en goudversierings.

Erwe is skaars in Monte Carlo, en die huidige stadshorison word veral sedert die sewentigerjare van die 20ste eeu deur woonstelblokke gekenmerk.

Eksterne skakels[wysig]