Dannhauser

in Wikipedia, die vrye ensiklopedie
Dannhauser
Dannhauser is in KwaZulu-Natal
Dannhauser
Dannhauser
 Dannhauser se ligging in KwaZulu-Natal
Koördinate: 28°0′S 30°3′O / 28.000°S 30.050°O / -28.000; 30.050Koördinate: 28°0′S 30°3′O / 28.000°S 30.050°O / -28.000; 30.050
LandVlag van Suid-Afrika Suid-Afrika
ProvinsieKwaZulu-Natal
DistrikAmajuba
MunisipaliteitDannhauser
Oppervlak
 • Totaal8,9 km2 (3,4 vk. myl)
Bevolking
 (2011)[1]
 • Totaal5 389
 • Digtheid606/km2 (1 570/vk. myl)
Rasverdeling (2011)
 • Wit mense1.8%
 • Indiërs/Asiërs22.0%
 • Bruin mense1.8%
 • Swart mense73.7%
 • Ander0.6%
Taal (2011)
 • Zoeloe 70.4%
 • Engels 23.7%
 • Afrikaans 1.8%
 • Ander 4.1%
Poskode (strate)
3080
Skakelkode034

Dannhauser is 'n voormalige steenkoolmyndorp in KwaZulu-Natal, Suid-Afrika. Bees- en skaapboerdery vind ook in die distrik plaas.

Die dorp is vernoem na Renier Dannhauser, 'n Duitse setlaar, wat die plaas Palmietfontein in 1872 van die Natalse regering gekoop het. Die hedendaagse Dannhauser beslaan vyf plase naamlik Tweediedale, Palmietfontein, Rocky Spruit, Cornwall en Klipkuil. [2][3] Dit is in 1937 tot dorp verklaar. Durnacol behuising is relatief goedkoop noudat die steenkoolmyne gesluit is. Die R621-streekdroete gaan deur die dorp.

Geskiedenis[wysig | wysig bron]

In 1860 het ene Bhowani op die skip Truro uit Indië in Natal aangekom en hom in Dannhauser langs die Kliprivier gevestig. Ander Indiërs wat hulle vroeg in die gebied gevestig het, is Sheik Abdool en Cassim Vawda wat in 1893 op die plaas Palmietfontein kom woon het. Daar het hulle besighede begin wat tot vandag toe nog bestaan. Sheik Abdool was ook verantwoordelik vir die skenking van gratis watertoevoer aan die nedersetting; die gebaar word gedenk deur 'n monument op die hedendaagse Madressa-gronde in Campweg.[2]

In 1902 is 'n maatskappy genaamd die Durban Navigation Collieries gestig wat met mynbouaktiwiteite op Spiesplaas begin het. Mynbou het vir 'n eeu voortgeduur totdat die laaste skag in 2001 gesluit is. Die Durban Navigation Collieries, wat later deur Yskor oorgeneem is, het by tye werk verskaf aan soveel as 6 000 mense. Baie families wat steeds in Dannhauser woon is afstammelinge van die steenkoolmyners van die vorige eeu.[2]

Sien ook[wysig | wysig bron]

Verwysings[wysig | wysig bron]

  1. 1,0 1,1 1,2 1,3 Som van die onderplekke Dannhauser SP en Emafusini SP tydens die 2011-sensus.
  2. 2,0 2,1 2,2 Dannhauser plaaslike munisipaliteit, History and Heritage[dooie skakel], Besoek op 16 November 2007
  3. Department of Arts and Culture's list of local and district municipality's names. Geargiveer 26 Desember 2008 op Wayback Machine, Besoek op 16 November 2007