Dawson City

in Wikipedia, die vrye ensiklopedie
Jump to navigation Jump to search
Dawson City
City of Dawson
Lugfoto van Dawson City en die Yukonrivier
Lugfoto van Dawson City en die Yukonrivier
Byname: 
"Paris of the North"[1]
Dawson City is in Kanada
Dawson City
Dawson City
Ligging van Dawson City in Kanada
Koördinate: 64°03′30″N 139°26′00″W / 64.05833°N 139.43333°W / 64.05833; -139.43333
LandKanada
GebiedYukon
Gestig1896
Stad1902
Dorp1980
Regering
 • BurgemeesterWayne Potoroka
Oppervlak
 • Totaal32,45 km2 (12,53 vk. myl)
Hoogte
370 m (1,214 ft)
Bevolking
 (2016)[2]
 • Totaal1 375
 • Digtheid42,4/km2 (110/vk. m.)
TydsoneUTC−07:00 (Bergtyd (MST))
Kanadese poskode
Y0B 1G0
Skakelkodes867
GNBC kodeKAHFT
KlimaatSubarkties
Webwerfwww.cityofdawson.ca

Dawson City is 'n dorp in die Kanadese gebied Yukon. Dit is onafskeidbaar gekoppel aan die Klondike Goudstormloop (1896–99). Die bevolking het tydens die 2016-sensus 1 375 inwoners getel, wat dit die tweede grootste dorp in Yukon maak.

Geskiedenis[wysig | wysig bron]

'n Paktrein in Dawson, 1899 (gefotografeer deur Eric A. Hegg )

In prehistoriese tye is die gebied gebruik vir jag/versameling deur die Hän-sprekende mense van die Tr'ondëk Hwëch'in en hul voorouers. Die hart van hul vaderland was Tr'ochëk, 'n visserskamp by die samevloeiing van die Klondike-rivier en Yukonrivier, nou 'n Nasionale Historiese Gebied van Kanada, net oorkant die Klondikerivier van die moderne Dawson City. Hierdie was ook 'n belangrike somer-bymekaarkomplek en 'n basis vir die jag van elke in die Klondikevallei.

Die huidige nedersetting is deur Joseph Ladue gestig en in Januarie 1897 vernoem na die bekende Kanadese geoloog George M. Dawson, wat die streek in 1887 ondersoek en gekarteer het. Dit het as hoofstad van Yukon gedien vanaf die stigting van die gebied in 1898 tot 1952, toe die setel na Whitehorse verskuif is.

Dawson City was die middelpunt van die Klondike Goudstormloop. Dit het in 1896 begin en die Eerste Nasies-kamp in 1898 in 'n vooruitstrewende stad van 40 000 verander. Teen 1899 was die goudstormloop op sy einde en het die stad se bevolking gedaal toe almal behalwe 8 000 mense vertrek het. Toe Dawson in 1902 as stad geïnkorporeer is, was die bevolking minder as 5 000. St. Paul's Anglikaanse Kerk, wat dieselfde jaar ook gebou is, is 'n Nasionale Historiese Gebied.

Aardrykskunde[wysig | wysig bron]

Straatlandskap en grondverskuiwing aan die bergkant; Dawson City, 1964

Dawson City lê op die Tintinafout. Hierdie fout het die Tintina-skeur geskep wat honderde kilometer ooswaarts strek. Erosie-oorblyfsels van lawastrome vorm uithoeke onmiddellik noord en wes van Dawson City.

Klimaat[wysig | wysig bron]

Dawson City het 'n droë somer subarktiese klimaat (Köppen-klimaatklassifikasie: Dsc), soortgelyk aan die hoofstad van Whitehorse. Die gemiddelde temperatuur in Julie is 15,7 °C en in Januarie is dit -26.0 °C. [3] Die hoogste temperatuur wat nog ooit aangeteken is, is 35.0 °C op 9 Julie 1899 [4] en 18 Junie 1950. [5] Die laagste temperatuur wat nog ooit aangeteken is, is -58.3 °C op 3 Februarie 1947.[6] Dit ervaar 'n wye verskeidenheid temperature wat hoër is as 30 °C in die meeste somers en onder -40 °C in die winter.

Die gemeenskap lê op 'n hoogte van 320 m met die gemiddelde reënval in Julie 49 mm en die gemiddelde sneeuval in Januarie 27.6 cm. Dawson het 'n gemiddelde totale jaarlikse sneeuval van 166.5 cm en gemiddeld 70 rypvrye dae per jaar.[3] Die stad is gebou op 'n laag bevrore aarde wat in die toekoms 'n bedreiging vir die infrastruktuur van die stad kan inhou as die ysgrond (permafrost) smelt. [7] [8]

Dawson Gold
Diamond Tooth Gerties

Industrie[wysig | wysig bron]

Deesdae is die hoofbedrywe in Dawson City toerisme en goudmynbou.

Bagger nr. 4

Energie[wysig | wysig bron]

Elektrisiteit word deur Yukon Energy Corporation (YEC) verskaf. Meeste van die netwerkkrag is hidroëlektriese krag uit die noord-suidnetwerk van damme naby Mayo, Whitehorse en Aishihikmeer. Nadat die plaaslike hidroëlektriese kragstasie vir die goudbaggerwerk in 1966 gestaak is, het YEC elektriese krag met plaaslike dieselopwekkers voorsien. In 2004 het YEC Dawson aan sy netwerkstelsel gekoppel.

Die meeste van Dawson se geboue lyk soos dié 19de-eeuse konstruksie. Alle nuwe konstruksies moet aan die visuele standaarde voldoen

Verwysings[wysig | wysig bron]

  1. "Paris of the North". City of Dawson. Geargiveer vanaf die oorspronklike op 15 April 2016. Besoek op 22 Maart 2021.
  2. 2,0 2,1 "Population and dwelling counts, for Canada, provinces and territories, and census subdivisions (municipalities), 2016 and 2011 censuses – 100% data (Yukon)". Statistics Canada. 8 Februarie 2017. Besoek op 11 Februarie 2017.
  3. 3,0 3,1 "Dawson A". Canadian Climate Normals 1981–2010. Environment Canada. Besoek op 2014-02-20.
  4. "July 1899". Canadian Climate Data. Environment Canada. Besoek op 14 Mei 2016.
  5. "June 1950". Canadian Climate Data. Environment Canada. Besoek op 14 Mei 2016.
  6. "February 1947". Canadian Climate Data. Environment Canada. Besoek op 14 Mei 2016.
  7. "Yukon's Dawson City treading on thin ice". 5 April 2009.
  8. "Melting permafrost plagues Dawson City".