Dekgewas

'n Dekgewas van grondbewerking radyse

'n Dekgewas is 'n gewas wat in rotasie met ander gewasse verbou word of in rye tussen 'n verboude gewas aangeplant of gesaai word om die grondstruktuur te beskerm

Die bedoeling is om erosie te voorkom, die grondstruktuur te verbeter en die infiltrasie van water in die grond te bevorder.

'n Voorbeeld van 'n gewas wat soms as dekgewas tussen wynstokke gesaai word is rog.

Die keuse van dekgewas

Watter dekgewas of mengsel van dekgewasse die beste keuse is, hang van baie faktore af, soos die voedingstatus van die grond (die pH, die fosfaat- en kaliumvlakke ens.), die klimaat, die grondtipe, die besproeiingsisteem en die hoofgewas.

Daar is baie keuse:

Op sanderige grondmedium:

1. Kleingraan rog, Saia hawer
2. Peulgewasse: lupiene, serradella

Op leem of klei:

1. Kleingraan: korog, hawer, gars
2. Peulgewasse: wieke, medics, klawers

Daar is ook opsies vir permanente bedekking:

1. Dwergswenkgras
2. Kruipende rooi swenkgras
3. Paspalum notatum (Bahiagras)