Denver Vraagom

in Wikipedia, die vrye ensiklopedie
Jump to navigation Jump to search
Denver Vraagom
'n Beeld van die betrokke persoonlikheid.
Geboorte 13 Januarie 1972 (1972-01-13) (49 jaar oud)
Mosselbaai
Nasionaliteit Suid-Afrikaner
Beroep(e) Akteur, regisseur, skrywer
Webwerf https://www.vraagom.co.za/

Denver Vraagom, gebore op 13 Januarie 1972 te Mosselbaai, Kaapprovinsie, is 'n Suid-Afrikaanse akteur, regisseur, kopieskrywer, aanbieder en stemkunstenaar. Vraagom het in Stellenbosch grootgeword en het reeds op skool begin deelneem aan dramakompetisies. In 1998, in sy graad 10-jaar, het Vraagom by die Breughel Teatergroep aangesluit en het hy die geleentheid gekry om in sy eerste televisiereeks te speel. Wyle Dr. Benoni de Haeck was Vraagom se mentor vir toneelspel en Henry Mylne het vir Vraagom die fondasie help neerlê vir regisseurswerk.

Nadat hy in 1990 matrikuleer het, het Vraagom BA Menslike Bewegingskunde studeer aan die Universiteit van die Wes-Kaap, aangesien hy 'n provinsiale gimnas en atleet was en 'n liefde vir sport het. Vraagom het besef dat hierdie studierigting nie in lyn met sy passie vir die kunste is nie en het in 1992 begin om as 'n vryskutkunstenaar te werk. Sedertdien is hy 'n akteur, regisseur, televisieaanbieder, skrywer en stemkunstenaar. Vraagom het ook al aan verskeie radiovervolgverhale deelgeneem en was die seremoniemeester vir die Ghoema-musiektoekennings in 2014.

Film[wysig | wysig bron]

  • His Magesty’s Building; vertolk 'n ondersteunende rol (2012)
  • Liefling, die movie; vertolk die rol van die kroegman; regie: Brian Webber (2010)
  • The Grant Franklin Experience; vertolk die rol van Grant Franklin; regie: AFDA en M-Net (2008)
  • Mr. Bones 2; vertolk die rol van die verkeersbeampte; regie: Gray Hofmeyr (2008)
  • Poena is Koning; vertolk die rol van Taliep; regie: Willie Esterhuizen (2007)
  • Monsieur N; vertolk die rol van Nawa (2002)
  • The Craneman; vertolk die rol van Luis (2001)

Televisie[wysig | wysig bron]

  • Suidooster; vertolk die rol van Richard Goliath; uitgesaai op kykNET en kykNET & kie (2019)
  • Arendsvlei; vertolk die rol van Lappies; uitgesaai op kykNET & kie (2019)
  • Die Beauty Spot; vertolk die hoofrol, Robbie; uitgesaai op kykNET & kie (2014)
  • Die Gelukbringer; vertolk die hoofrol, Melt; uitgesaai op kykNET & kie (2014)
  • Delilah; vertolk die hoofrol, Uncle D; uitgesaai op kykNET & kie (2014)
  • Jou Show met Emo; tree op as gaskunstenaar; uitgesaai op kykNET (2014)
  • Isidingo; vertolk die rol van Julian September; uitgesaai op SABC 3 (2014)
  • Kollig; televisieaanbieder; uitgesaai op kykNET (2013 – 2014)
  • Erfsondes; vertolk die rol van Preston Vraagom; uitgesaai op SABC2 (2012 – 2017)
  • Pasella; gaskunstenaar; uitgesaai op SABC2 (2011)
  • 7de Laan; vertolk die rol van Sheldon Adams; uitgesaai op SABC2 (2011)
  • Binnelanders; vertolk die rol van JP; uitgesaai op kykNET (2008)
  • Montana; vertolk die rol van Emile; uitgesaai op SABC1 (2009)
  • Wise up: Words & Numbers; aanbieder;[1] uitgesaai op SABC2 (2005 – 2019)
  • Fun Factory; aanbieder van program; uitgesaai op SABC3 (2006 – 2010)
  • After 9; vertolk die rol van Zane Matthews; uitgesaai op SABC1 (2007)
  • Scandal; vertolk die rol van Quintin Williams; uitgesaai op E-TV (2007)
  • Swartwater; vertolk die rol van Riaan Deetlefs; uitgesaai op SABC2
  • Zing; aanbieder van program; uitgesaai op kykNET (2003 – 2004)
  • Backstage; verskeie rolle; uitgesaai op E.tv (2001)
  • S.O.S.; vertolk die rol van Henry Herbert; uitgesaai op E-TV (2001)
  • Big Okes; vertolk die rol van Humphrey; uitgesaai op E-TV (2000)
  • Fishy Feshuns; vertolk die rol van Mr. Arendse; uitgesaai op E-TV (1999)
  • The Apostles of Civilised Vice; vertolk die rol van Peter Albrecht; uitgesaai op SABC 3 (1999)
  • Dot’s: Who is she?; vertolk die rol van Blaze; uitgesaai op SABC2 (1998)
  • Stray Bullet; vertolk die rol van Smokey; uitgesaai op M-Net (1996)
  • Egoli: Plek van Goud; vertolk die rol van Jakes Veldman; uitgesaai op M-Net (1996)

Teater[wysig | wysig bron]

  • Beauty Queen; vertolk die rol van Basie; regie: Henry Mylne (2016)
  • Baba met die Badwater; vertolk verskeie rolle; regie: Henry Mylne (2018)
  • Deconstructing Denise; regie: Ben Kruger (2015)
  • Draadwerk; vertolk die rol van Koos Malgas; regie: André Stoltz (2010)
  • Poppie Nongena; vertolk verskeie rolle; regie: Henry Mylne (2006)
  • Vlooi en die Seerowers; vertolk die rol van Gourmetl; regie: Marinda Engelbrecht (2002)
  • Moddertoring; vertolk verskeie rolle; regie: Denver Vraagom en Ilse Oppelt (2001)
  • Vlooi Gaan Maan Toe; vertolk die rol van Maan Monster; regie: Marinda Engelbrecht (2001)
  • Antjie Somers; vertolk verskeie rolle; regie: Hannes Muller (2000)
  • Romeo and Juliet; vertolk die rol van Romeo; regie: Clare Stopford (2000)
  • Jobia’s; vertolk die rol van Draadkar; regie: Charles Fourie (1998)
  • Julius Ceasar; vertolk verskeie rolle; regie: Nicholas Ellenbogen (1995)
  • Kinkels inni Kabel; vertolk die rol Drommel vannie Perel; regie: Mark Graham (1994)
  • The BFG; vertolk verskeie rolle; regie: Fred Abrahamse (1993)

Regisseurswerk[wysig | wysig bron]

Vraagom was betrokke by die vervaardiging en regie van die SABC2-sepie, 7de Laan en het ook as vertaler en kopieskrywer gewerk. Op die stelle van Scandal, S.O.S., Madam and Eve, Unicity en Arendsvlei was hy regisseur en assistentregisseur.

Advertensies[wysig | wysig bron]

Vraagom het in sy loopbaan as kunstenaar in verskeie advertensies verskyn om produkte of maatskappye te help bemark, onder andere: Vodacom, RAM Couriers, Cambridge Food, Assupol, Pepsi, Tropicana, Spur, Old Mutual en MWeb.

Toekennings[wysig | wysig bron]

  • FNB Vita-toekenning: Beste Nuweling vir sy spel in Jobia’s (1998)
  • Fleur du Cap-nominasie: Beste Ondersteunende rol vir sy spel in Kinkels Innie Kabel (1995)
  • ATKV Mediaveertjie-nominasie (2013)
  • ATKV Mediaveertjie-toekenning: Beste aanbieder (2015)
  • SAFTA-toekenning: vir die program, Words and Numbers, as Beste Kinderprogram (2020)

Persoonlike lewe[wysig | wysig bron]

Vraagom is op 28 Mei 2005 getroud met mede-aktrise Ingrid Paulus, bekend as Vanessa in 7de Laan. Die egpaar het twee dogters, Skye en Hannah Elizabeth.[2][3]

Eksterne skakels en bronnelys[wysig | wysig bron]

Verwysings[wysig | wysig bron]