Die Towenaar (tarotkaart)
Die Towenaar is die eerste troefkaart of Groot Arcana-kaart in 'n tradisionele pak tarotkaarte. Dit word in kaartspeletjies én waarsêery gebruik.
In kaartspeletjies is Die Towenaar die laagste troefkaart, maar baie punte werd. In waarsêery het dit 'n ingewikkelde esoteriese betekenis. Dit volg op Die Dwaas, wat ongenommer is of 0 gemerk is. Die Towenaar, as die onderwerp van okkultistiese studie, word vertolk as simbolies van mag, potensiaal en die vereniging van die fisieke en geestelike wêreld.
Simboliek[wysig | wysig bron]
In die Rider-Waite-tarotpak word Die Towenaar uitgebeeld met een hand wat boontoe wys en die ander een wat na die aarde wys. Dit word algemeen vertolk as "soos bo, so ook onder", 'n verwysing na die spirituele en die fisieke ryk. Op die tafel voor hom is 'n staf, 'n pentagram, 'n swaard en 'n beker, wat die vier stelle van die Klein Arcana simboliseer.[1] Dié simbole verteenwoordig ook die klassieke elemente vuur, aarde, lug en water – wat "voor die kenner lê en hy aanpas soos hy wil".[2] Die wit staf wat hy ophou, verteenwoordig die towenaar se status as toevoerkanaal tussen die fisieke en geestelike.
Sy kleed is wit, 'n simbool van reinheid en min ondervinding, en sy rooi mantel is 'n simbool van wilskrag en passie, asook egotisme, woede en wraak.[3][1]
Die Towenaar word verbind met die planeet Mercurius, en dus met die tekens Tweeling en Maagd in astrologie.[4]
Verwysings[wysig | wysig bron]
- ↑ 1,0 1,1 Esselmont, Brigit. "Magician Tarot Card Meanings". Biddy Tarot. Besoek op 2 Maart 2021.
- ↑ Waite, Arthur Edward, 1857-1942. (2005). The pictorial key to the tarot (PDF). Mineola, NY: Dover Publications. ISBN 0-486-44255-1. OCLC 57549699.
{{cite book}}: AS1-onderhoud: meer as een naam (link) - ↑ Hoosen, Mishka (2019). "Symbolism of The Magician in Tarot". Tarot With Mishka. Besoek op 11 Maart 2021.
- ↑ McCann, David (Maart 1999). Houlding, Deborah (red.). "Mercury in Myth & Occult Philosophy". The Traditional Astrologer. Nottingham, UK: Ascella (18).
Ander bronne[wysig | wysig bron]
- A.E. Waite's 1910 Pictorial Key to the Tarot
- Lewis Hyde, Trickster Makes this World: Mischief, Myth, and Art (1998).
- Juliette Wood, Folklore 109 (1998):15-24, The Celtic Tarot and the Secret Tradition: A Study in Modern Legend Making (1998)
Skakels[wysig | wysig bron]
Wikimedia Commons het meer media in die kategorie Die Towenaar (tarotkaart).
Hierdie artikel is in sy geheel of gedeeltelik uit die Engelse Wikipedia vertaal.
