Oordeel (tarotkaart)
Oordeel is die 20ste troefkaart in tarotkaartspeletjies en die 20ste Groot Arcana-kaart in pakke vir waarsêery. Dit word in albei gebruik.
Beskrywing[wysig | wysig bron]
Die tradisionele toneel is geskoei op die Christelike beelde van die Opstanding en die Laaste Oordeel. 'n Engel, dalk Metatron of dalk Israfil, word uitgebeeld waar hy 'n groot trompet blaas waarvandaan die vlag van sint Joris (sint George) hang. Dit is 'n verwysing na 1 Korintiërs 15.[1] 'n Groep mense met ligte velle wat opgestaan het ('n man, vrou en kind) staan met uitgespreide arms en kyk in verwondering op na die engel. Agter kom die slapende dooies uit grafte, wat verwys na Openbaring 20 ("Die see het die dooies teruggegee wat daarin was, en die dood en die doderyk het die dooies teruggegee wat in hulle was, en oor elkeen is geoordeel volgens wat hy gedoen het.")[2] Daar is sneeubedekte berge op die agtergrond, wat op 'n wintertema dui as 'n simboliese einde.
Verwysings[wysig | wysig bron]
Skakels[wysig | wysig bron]
Wikimedia Commons het meer media in die kategorie Oordeel (tarotkaart).
Hierdie artikel is in sy geheel of gedeeltelik uit die Engelse Wikipedia vertaal.
