Dodetempel van Ramses III
Koördinate: 25°43′10.92″N 32°36′2.52″O / 25.7197000°N 32.6007000°O
| Dodetempel van Ramses III | ||
| ||
| Die Dodetempel van Ramses III, uit die lug aan die oostekant. Die lang muur naaste aan die kamera is die noordoostemuur. | ||
| Land |  Egipte
| |
| Soort | Dodetempel | |
| Streek | Bo-Egipte | |
| Geskiedenis | ||
| Kulture | Antieke Egipties | |
Die Dodetempel van Ramses III was 'n belangrike tempel uit die Nuwe Ryk van Egipte in die Thebaanse Dodeakker aan die westeroewer van die Nyl naby Luxor. Benewens sy grootte en argitektoniese en artistieke belangrikheid, is die dodetempel veral bekend as die bron van reliëfs[1] wat die nadering en nederlaag van die Seevolke tydens die bewind van Ramses III uitbeeld.
Identifikasie en uitgrawings[wysig | wysig bron]
_-_Google_Art_Project.jpg)
Die eerste Europeër wat die tempel in 'n moderne geskrif beskryf het, was Vivant Denon, wat dit in 1799-1801 besoek het.[2]
Aanvanklike uitgrawings van die tempel is tussen 1859 en 1899 van tyd tot tyd gedoen, onder leiding van die Egiptiese Oudhedediens. Die hooftempel is skoongemaak en 'n groot aantal Grieks-Romeinse geboue, insluitende 'n groot Bisantynse kerk in die tweede hof, is vernietig sonder dat enige aantekeninge gedoen is.[3]
Sedert 1924 vind uitgrawings, opnames en bewaring feitlik deurentyd plaas, gedeeltelik onder leiding van die Universiteit van Chicago se Oriëntale Instituut.
Beskrywing[wysig | wysig bron]
Die tempel van sowat 150 m lank het 'n ortodokse ontwerp en lyk baie soos die nabygeleë Ramesseum, die tempel van Ramses II. Die voorhof is omtrent 210 m by 300 m, en meer as 7 000 m2 van die mure is met reliëfs versier.[4] Die mure is relatief goed bewaar en word omring deur 'n groot, versterkte moddermuur.
Die eerste spantoring lei na 'n oop binnehof met enorme standbeelde van Ramses III as Osiris aan die een kant en onversierde pilare aan die ander. Die tweede spantoring lei na 'n tweede binnehof, ook met pilare in die vorm van Ramses. 'n Skuinste en die derde spantoring lei na 'n groot suilesaal (waarvan die dak weg is). Reliëfs en die werklike koppe van buitelandse gevangenes is ook in die tempel geplaas, dalk om die farao se beheer oor Sirië en Nubië te illustreer.
Die koninklike paleis was regstreeks aan die eerste binnehof van die tempel verbind.[5][6]
Koningslys[wysig | wysig bron]
Die Medinet Haboe-koningslys is 'n lys wat die fees van Min vier. Dit bevat die name van nege farao's en kan gevind word aan die oostelike muur van die tweede binnehof.
Galery[wysig | wysig bron]
-
Versiering aan die plafon van die suilesaal. -
De eerste maspilaar en binnehof. -
Pilare in die vorm van Ramses in die eerste binnehof. -
'n Hoop geslagsdele. 'n Manier om te tel hoeveel in gevegte dood is. -
Habu-tempeltoneel. Die god gee 'n anch (die lewe) aan die farao.
Verwysings[wysig | wysig bron]
- ↑ Medinet Habu deur M. Parsons
- ↑ Denon, Vivant (1803). Travels in Upper and Lower Egypt. p. 96.
- ↑ Jeffreys, David (12 Oktober 2012). Views of Ancient Egypt since Napoleon Bonaparte: Imperialism Colonialism and Modern Appropriations. Taylor & Francis. pp. 167–. ISBN 978-1-135-39404-2.
- ↑ Medinet Habu duer M. Parsons
- ↑ "Medinet Habu: The Mortuary Temple". Besoek op 6 Februarie 2012.
- ↑ "Medinet Habu". Besoek op 6 Februarie 2012.
Skakels[wysig | wysig bron]
Wikimedia Commons het meer media in die kategorie Dodetempel van Ramses III.
Hierdie artikel is in sy geheel of gedeeltelik uit die Engelse Wikipedia vertaal.
