Erica Eloff
Erica Eloff | |
|---|---|
| Beroep(e) | Sopraan |
| Webwerf | www |
Erica Eloff is 'n Suid-Afrikaanse sopraan wat spesialiseer in opera, liedere en oratorios. Sy woon tans in Oostenryk. Sy het haar professionele buiging in die Verenigde Koninkryk in die somer van 2008 by Garsington Opera gemaak as Fiordiligi in Mozart se Così fan tutte. Sy het ook haar buiging by Wigmore Hall gemaak in die 2008/09-seisoen saam met die pianis James Baillieu [1] as 'n Kirckman Konsertgenootskap[2] kunstenaar, en in die 2009/10-seisoen teruggekeer.
Eloff het met lof aan die Noordwes-Universiteit, Potchefstroom, gegradueer waar sy verskeie pryse en studiebeurse verwerf het. Sy het ook talle sangpryse verower, waaronder die Londense Händel Sangkompetisie[3] (2008), die UNISA Nasionale Sangkompetitisie[4] (2005), die UFAM Concours Internationaux de Chant,[5] en die degré Honneur (2003) in Frankryk. Sy was die sangkategorie- en algehele wenner van ATKV Forté (2000) (hernoem na ATKV Muziq)[6] kompetisie
In die Verenigde Koninkryk is sy ook deur Making Music[7] gekies as 'n Philip en Dorothy Green Young Concert Artist. Eloff het al verskyn tydens BBC Radio 3 se In Tune program [8] en Classic Fm se Bob Jones het 'n onderhoud met haar gevoer.
Eloff het reeds as oratorio-sanger en solis in die Verenigde Koninkryk, Duitsland, België en Suid-Afrika opgetree, en het ook al opgetree vir verskillende kleiner opera-ondernemings in die Verenigde Koninkryk. Haar prestasies sluit rolle in soos die van Belinda in Purcell se Dido and Aeneas, die The Queen of the Night en First Lady in Mozart se Towerfluit, Floria Tosca in Puccini se Tosca en Violetta Valéry in Verdi se La Traviata. Sy het ook ingestaan vir die titelrol in Beethoven se Fidelio vir die Garsington Opera.
Diskografie[wysig | wysig bron]
- Somerkersfees – Kersfees-kompilasie met die Singkronies Kamerkoor, 2000
- Songs Geargiveer 22 Junie 2011 op Wayback Machine – Liedere deur Grieg, Wolf, Rachmaninoff, Wilding en de Villiers, 2010
Verwysings[wysig | wysig bron]
- ↑ "argiefkopie". Geargiveer vanaf die oorspronklike op 27 Oktober 2010. Besoek op 26 Mei 2020.
- ↑ "argiefkopie". Geargiveer vanaf die oorspronklike op 3 Maart 2016. Besoek op 26 Mei 2020.
- ↑ https://web.archive.org/web/20100328115648/http://www.handel.cswebsites.org/default.aspx?page=19603
- ↑ http://www.unisa.ac.za/Default.asp?Cmd=ViewContent&ContentID=22106
- ↑ https://web.archive.org/web/20110720233749/http://www.infoservice.fr/ufam/accueil/2004c.htm
- ↑ https://web.archive.org/web/20110904152349/http://www.atkvprojekte.co.za/index.php?option=com_content&view=category&layout=blog&id=231&Itemid=158
- ↑ "argiefkopie". Geargiveer vanaf die oorspronklike op 28 September 2015. Besoek op 26 Mei 2020.
- ↑ "BBC – In Tune – 8 April 2008". www.bbc.co.uk (in Engels). Geargiveer vanaf die oorspronklike op 16 September 2018. Besoek op 20 Februarie 2016.
Eksterne skakels[wysig | wysig bron]
Normdata  |
|
|---|