Euratom

in Wikipedia, die vrye ensiklopedie
Jump to navigation Jump to search
Euratom in 1957 en 2018

Die Europese Gemeenskap vir Atoomenergie (EGA), European Atomic Energy Community (EAEC) of kortweg Euratom, is 'n internasionale organisasie wat ten doel het om die  vreedsame toepassings van kernkrag te bevorder.

Die lidstate van Euratom is tewens lidstate van die Europese Unie. Die organisasie is opgerig op 25 Maart 1957 deur die Verdrag tot oprigting van die Europese Gemeenskap vir Atoomenergie. Op dieselfde datum is ook die Europese Ekonomiese Gemeenskap (EEG) opgerig.

Die Europese Gemeenskap vir Atoomenergie is 'n afsonderlike organisasie, maar vir beslissings gebruik die die instituties van die Europese Unie (parlement, Europese Raad, Europese Kommissie). Op 1 Januarie 1958 tree die Euratom-verdrag in werking en word die Kommissie vir Euratom geïnstalleer in Brussel. In 1967, met die inwerkingtreding van die Samesmeltingsverdrag kry die Euratom saam met die EEG en die EGKS een Kommissie, een Raad en een begroting. Ál die lande wat toetree tot die Europese Unie dien ook tot die Euratom-verdrag toe te tree.

Die verdrag wat die EGA opgerig het, is vir onbepaalde tyd geslote en nooit gewysig. Sedert 2003 gaan stemme op om die verdrag te hersien.Die redes daarvoor is dat

  1. die Europese Unie sedert 1957 aansienlik is uitgebrei;
  2. 'n deel van die toetredende lede nooit vir kernenergie gekies het nie;
  3. vier van die oorspronklike lede - België, Duitsland, Italië en Nederland - plus die later toegetree Swede in eie land juis gekies het  om die gebruik van kernenergie af te bou en die kernkragsentrales te sluit, al staan hierdie keuse onder druk en al kom sommige van die lande weer terug op hierdie besluit omdat kernkrag met minder uitstoot van koolstofdioksied gepaard gaan as fossiele brandestowwe en hulle dus nuttig sou wees vir die teëgaan van klimaatverandering deur die versterkte kweekhuiseffek.