Europese tortelduif
| Europese Tortelduif | |
|---|---|
| |
| Wetenskaplike klassifikasie | |
| Domein: | |
| Koninkryk: | |
| Filum: | |
| Klas: | |
| Orde: | |
| Familie: | |
| Genus: | |
| Spesie: | S. turtur
|
| Binomiale naam | |
| Streptopelia turtur (Linnaeus, 1758)
| |
Die Europese tortelduif (Streptopelia turtur) is 'n lid van die voëlfamilie Columbidae. Die voël is nog net vyf keer opgeteken in Suid-Afrika, Namibië en Botswana.
Dit is 'n trekvoëlspesie met 'n suiderlike Palearktiese leefarea, insluitend Turkye en Noord-Afrika, alhoewel dit skaars is in noordelike Skandinawië en Rusland. Hierdie tortelduiwe oorwinter in suidelike Afrika.
In Europa het die getalle van die tortelduif baie afgeneem, omrede verandering in landboumetodes die voël se voeding bedreig. Op die trekroetes oor Malta en Siprus word hulle ook gejag en geëet. In 2016 maak die Maltese regering bekend dat in Malta 5 000 voëls geskiet mag word, wat tot protes uit ander lidstate van die Europese Unie lei.[1]
Identifikasie[wysig | wysig bron]
Die duif is groter as die rooiborsduifie. Dit is 26 tot 28 cm lank en weeg 110 tot 180 gram. Die duif is goed gekleur met 'n kenmerkende swart-en-wit nekvlek. Die vlerkdekvere het donker middelste dele wat teen die breë kastaiingbruin rande afsteek. Tydens die vlug het die buitestert breë wit punte. Die jong duif het nie 'n nekvlek nie.
Sien ook[wysig | wysig bron]
- Alfabetiese lys van Suid-Afrikaanse voëls
- Lys van Suid-Afrikaanse voëls (Groepeer)
- Lys van Suider-Afrikaanse voëls volgens wetenskaplike name
Bron[wysig | wysig bron]
- Sasol Voëls van Suider-Afrika. Struik Nature. Vierde Uitgawe 2011. ISBN 978-1-77007-926-7
Verwysings[wysig | wysig bron]
- ↑ "The Guardian 16 Maart 2016" (in Engels). Geargiveer vanaf die oorspronklike op 10 Junie 2020.