Faure, Suid-Afrika

Hierdie artikel bevat nie ’n bronnelys nie, wat beteken dat die inhoud nie geverifieer kan word nie. Enige bevraagtekende inligting mag dus ook mettertyd verwyder word. Help Wikipedia deur betroubare bronne tot die artikel by te voeg.

Faure
Faure  Faure se ligging in Wes-Kaap
Koördinate: 34°1′52″S 18°45′11″O
Land	Suid-Afrika
Provinsie	Wes-Kaap
Munisipaliteit	Stad Kaapstad
Poskode (strate)	7131

Faure is 'n woonbuurt in Helderberg, digby Kaapstad in die Wes-Kaap.

Die dorp is nagenoeg by die koördinate 34° 2′ suid en 18° 45′ oos. Dit is net suid van die historiese wingerdplaas Meerlust, tussen die R102-roete wat Somerset-Wes en Eersterivier verbind en die Baden Powell-verbypad (die R310), aan die spoorlyn van Strand na Kaapstad en weerskante van die Eersterivier, noord van Macassar, noordoos van Khayelitsha, noordwes van Firgrove, suidwes van Raithby, 13 km noordwes van Strand en 16 km suidwes van Stellenbosch.

Dit dra die naam van 'n vooraanstaande leidinggewende familie afkomstig uit die omgewing. 'n Faure was met 'n dogter van die Myburgh-familie van Meerlust getroud. Van 'n lang reeks bekende staatsamptenare, politici en predikante was die bekendstes:

• Anthonij Alexander Faure (* Stellenbosch, 5 April 1758 - † Stellenbosch, 8 Januarie 1824), landdros op Swellendam
• Abraham Faure (* Stellenbosch, 9 Augustus 1795 – † Kaapstad, 28 Maart 1875), predikant in die NG Kerk en skrywer
• Philip Eduard Faure (* Stellenbosch, 1 Februarie 1811 – † Wynberg, 7 Desember 1882), predikant in die NG Kerk, joernalis
• David Pieter Faure (* Stellenbosch, 12 November 1842 – † Kaapstad, 17 Augustus 1916), Unitariese predikant en skrywer
• Sir Pieter Hendrik Faure (* Faure, 8 November 1848 - † Kaapstad, 21 Mei 1914), politikus en minister in die Kaapkolonie.