Fraates II van Partië

Fraates II 𐭐𐭓𐭇𐭕
Koning van konings, arsakes, filhelleen
'n Muntstuk van Fraates II, wat in 129 v.C. in Seleukië gemunt is.
Koning van die Partiese Ryk
Heerskappy	132-127 v.C.
Voorganger	Mitridates I
Opvolger	Artabanus I
Gebore	c. 147 v.C.
Oorlede	127 v.C. (op 19 of 20)
Dinastie	Arsakiede
Vader	Mitridates I
Moeder	Rinnu
Religie	Zoroastrisme

Fraates II (Parties: 𐭐𐭓𐭇𐭕, Frahāt) was van 132 tot 127 v.C. die Arsakidiese koning van die Partiese Ryk. Hy was die seun en opvolger van Mitridates I.

Omdat hy so jonk was toe hy koning word, het sy ma, Rinnu, aanvanklik namens hom regeer. Sy kort bewind word hoofsaaklik gekenmerk deur oorlog met die Griekse Seleukidiese Ryk, met koning Antiochus VII wat probeer het om grondgebied terug te wen wat hy aan Fraates se pa afgestaan het. Hoewel hy aanvanklik nie goed gedoen het nie, het Fraates II die opperhand gekry en die Seleukidiese magte verslaan. Antiochus VII self is in die gevegte dood of het selfmoord gepleeg.

Fraates II het hom daarna na die ooste gehaas om 'n inval deur nomadiese stamme – die Saka en Yuezhi – af te weer. Hier het hy sy einde tegemoetgegaan. Hy is opgevolg deur sy oom Artabanus I.

Voorganger ← Mitridates I

Fraates II

Opvolger Artabanus I →

Skakels

• Hierdie artikel is in sy geheel of gedeeltelik uit die Engelse Wikipedia vertaal.