Franz Beckenbauer

in Wikipedia, die vrye ensiklopedie
Jump to navigation Jump to search
Franz Beckenbauer
14-01-10-tbh-013.jpg
Franz Beckenbauer in 2014
Persoonlike inligting
GeboortenaamFranz Anton Beckenbauer
Gebore11 September 1945 (1945-09-11) (73 jaar oud)
GeboorteplekMünchen, Wes-Duitsland
Lengte1,81 m
SpeelposisieVerdediger
Jeugloopbaan
1951–1959SC München von 1906
1959–1964FC Bayern München
Seniorloopbaan*
JareSpanKere(Doele)
1964–1977FC Bayern München439(64)
1977–1980New York Cosmos80(17)
1980–1982Hamburger SV28(0)
1983New York Cosmos25(2)
Totaal572(83)
Nasionale span
1964Wes-Duitsland Jong3(3)
1965Wes-Duitsland B2(0)
1965–1977Wes-Duitsland103(14)
Spanne bestuur
1984–1990Wes-Duitsland
1990–1991Marseille
1993–1994FC Bayern München
1996FC Bayern München
* Kere vir seniorklub uitgedraf en doele is net vir die plaaslike liga..
† Kere uitgedraf (Doele).

Franz Beckenbauer (1945–) is ’n voormalige Duitse sokkerspeler, -afrigter en sportbestuurder. Beckenbauer het as verdediger vir FC Bayern München, Hamburger SV en New York Cosmos gespeel. Vanweë sy heersende aanwesigheid op die veld, het hy die bynaam Der Kaiser gekry. Hy was die kaptein toe Wes-Duitsland die Wêreldbeker in 1974 wen, en bestuurder van dieselfde span toe hulle weer in 1990 met die louere wegstap.[1]

Beckenbauer het in totaal 103 keer vir Duitsland uitgedraf, aan 3 wêreldbekertoernooie deelgeneem en 14 doele aangeteken. Die hoogtepunt hiervan was hul 2-1 oorwinning oor Nederland in 1974.

Hy het ook 424 keer in die Bundesliga uitgedraf, waarvan 396 vir FC Bayern München (44 doelpunte) en 28 vir Hamburger SV (0 doelpunte).

Die Keiser is herhaaldelik as die Duitse sokkerspeler van die jaar (1966, 1968, 1974 en 1976), asook as die Europese sokkerspeler van die jaar (1972 en 1976) aangewys.

Hy is tans die adjunkpresident van die Duitse sokkerbond en 'n erevoorsitter van FC Bayern München. Hy was ook aan die stuur van Duitsland se voorbereiding en aanbieding van die Sokker-Wêreldbekertoernooi in 2006 gewees. Sy seun, Stephan Beckenbauer, het ook sokker gespeel.

Verwysings[wysig | wysig bron]

  1. HAT Taal-en-feitegids, Pearson, Desember 2013, ISBN 978-1-77578-243-8

Eksterne skakels[wysig | wysig bron]