Hamburger SV

in Wikipedia, die vrye ensiklopedie
Hamburger SV
logo
Volledige naam Hamburger Sport-Verein e.V.
Bynaam
Opgerig 29 September 1887
Stadion Volksparkstadion (tussentyds bekend
as die Imtech Arena),
Hamburg
Kapasiteit 57 000
Voorsitter Bernd Hoffmann
Afrigter Christian Titz
Kompetisie Bundesliga

Hamburger SV (HSV) is 'n Duitse sportklub uit die stad Hamburg, veral bekend vir sy sokkerafdeling. Behalwe sokker, het die klub onder meer afdelings vir yshokkie, tafeltennis, krieket, pluimbal, bofbal, basketbal, rolbal, gholf, gimnastiek, handbal, hokkie, karate, atletiek, rugby, swem, tennis en vlugbal. Die sokkerafdeling het reeds sedert 1919 onafgebroke op die hoogste vlak van die Duitse sokkerstruktuur gespeel.

Die klub se geskiedenis begin op 29 September 1887, toe Der Hohenfelder Sportclub en Wandsbek-Marienthaler Sportclub saamgesmelt het om Sports Club Germania te vorm. Hierdie klub het in 1919 met Hamburg FC (gestig in 1888) en FC Falke (gestig in 1906) saamgesmelt om die huidige Hamburger Sport-Verein te vorm, nadat al drie klubs deur die Eerste Wêreldoorlog verswak gelaat is. Die klubkleure was rooi en wit ter ere van die stad Hamburg, terwyl die blou en swart van die oudste van die stigtersklubs, SC Germania, as die spanwapen in gebruik geneem is.

Die "nuwe" klub was vroeg suksesvol toe die eindstryd om die nasionale titel in 1922 gehaal is teen 1. FC Neurenberg, wat in sy derde agtereenvolgende eindstryd gespeel het. Die wedstryd is as gevolg van swak lig na 3 uur en 10 minute afgelas met die telling 2-2. Die herontmoeting is na 'n lang tydperk van ekstra tyd (met die telling 1-1) ook afgelas nadat Neurenberg slegs 7 spelers oorgehad het (geen reserwes is destyds toegelaat nie). Die besluit van die skeidsregter het tot groot omstredenheid gelei: Die DFB het die titel aan Hamburger SV toegeken, maar 'n beroep op hulle gedoen om in die naam van 'n goeie sportmangees nie die titel te aanvaar nie - waartoe hulle teësinnig ingestem het. Die Viktoriatrofee is op die ou end nie in 1922 toegeken nie. Die klub het die "amptelike" titel die volgende seisoen die eerste keer gewen deur 3:0 met SC Union Oberschöneweide in die eindstryd af te reken.

Tydens die Derde Ryk is die klub in die Gauliga Nordmark ingedeel en na die Tweede Wêreldoorlog in die Oberliga Noord. Hamburger SV was tot 2018 die enigste klub wat sedert die oprigting (in 1963) onafgebroke in die Bundesliga gespeel het. Die 17de plek aan die einde van die 2017/18-seisoen het die eerste relegasie tot gevolg gehad.

Erelys[wysig | wysig bron]

Duitse sokkerkampioen (7)

1921/1922, 1922/1923, 1927/1928, 1959/1960, 1978/1979, 1981/1982, 1982/1983

DFB-Pokal (3)

1963, 1976, 1987

Ligapokal (2)

1973, 2003

Europese beker I (1)

1983

Europese beker II (1)

1978

Intertoto-beker (1)

2005

Onlangse ligaposisionering[wysig | wysig bron]

  • 1963-64 (I) Bundesliga 6de
  • 1964-65 (I) Bundesliga 11de
  • 1965-66 (I) Bundesliga 9de
  • 1966-67 (I) Bundesliga 14de
  • 1967-68 (I) Bundesliga 13de
  • 1968-69 (I) Bundesliga 6de
  • 1969-70 (I) Bundesliga 6de
  • 1970-71 (I) Bundesliga 5de
  • 1971-72 (I) Bundesliga 10de
  • 1972-73 (I) Bundesliga 14de
  • 1973-74 (I) Bundesliga 12de
  • 1974-75 (I) Bundesliga 4de
  • 1975-76 (I) Bundesliga 2de
  • 1976-77 (I) Bundesliga 6de
  • 1977-78 (I) Bundesliga 10de
  • 1978-79 (I) Bundesliga 1ste
- Duitse kampioen
  • 1979-80 (I) Bundesliga 2de
  • 1980-81 (I) Bundesliga 2de
  • 1981-82 (I) Bundesliga 1ste
- Duitse kampioen
  • 1982-83 (I) Bundesliga 1ste
- Duitse kampioen
  • 1983-84 (I) Bundesliga 2de
  • 1984-85 (I) Bundesliga 5de
  • 1985-86 (I) Bundesliga 7de
  • 1986-87 (I) Bundesliga 2de
  • 1987-88 (I) Bundesliga 6de
  • 1988-89 (I) Bundesliga 4de
  • 1989-90 (I) Bundesliga 11de
  • 1990-91 (I) Bundesliga 5de
  • 1991-92 (I) Bundesliga 12de
  • 1992-93 (I) Bundesliga 11de
  • 1993-94 (I) Bundesliga 12de
  • 1994-95 (I) Bundesliga 13de
  • 1995-96 (I) Bundesliga 5de
  • 1996-97 (I) Bundesliga 13de
  • 1997-98 (I) Bundesliga 9de
  • 1998-99 (I) Bundesliga 7de
  • 1999-00 (I) Bundesliga 3de
  • 2000-01 (I) Bundesliga 13de
  • 2001-02 (I) Bundesliga 11de
  • 2002-03 (I) Bundesliga 4de
  • 2003-04 (I) Bundesliga 8ste
  • 2004-05 (I) Bundesliga 8ste
  • 2005-06 (I) Bundesliga 3de
  • 2006-07 (I) Bundesliga 7de
  • 2007-08 (I) Bundesliga 4de
  • 2008-09 (I) Bundesliga 5de
  • 2009-10 (I) Bundesliga 7de
  • 2010-11 (I) Bundesliga 8ste
  • 2011-12 (I) Bundesliga 15de
  • 2012-13 (I) Bundesliga 7de
  • 2013-14 (I) Bundesliga 16de
  • 2014-15 (I) Bundesliga 16de
  • 2015-16 (I) Bundesliga 10de
  • 2016-17 (I) Bundesliga 14de
  • 2017-18 (I) Bundesliga 17de
  • 2018-19 (II) 2. Bundesliga

Eksterne skakels[wysig | wysig bron]


Bundesliga 2018/19-seisoen

TSG 1899 Hoffenheim - FC Augsburg - Bayer 04 Leverkusen - FC Bayern München - BV Borussia Dortmund - RB Leipzig - Eintracht Frankfurt - Hannover 96 - SC Freiburg - Hertha BSC - Fortuna Düsseldorf - FSV Mainz 05 - VfL Borussia Mönchengladbach - 1. FC Neurenberg - FC Schalke 04 - VfB Stuttgart - SV Werder Bremen - VfL Wolfsburg