Frikkie van Biljon

in Wikipedia, die vrye ensiklopedie
Jump to navigation Jump to search
Stop! Hierdie artikel behoort skoongemaak te word, omdat die bewoording nie voldoen aan 'n Neutrale Standpunt nie; die neutraliteit van die artikel is wel nie noodwendig in dispuut nie.
Frikkie van Biljon
GeboortenaamFrederick Reinhardt
Gebore24 Oktober 1985 (1985-10-24) (34 jaar oud)
Klerksdorp
GenresAfrikaans/Ligte Klassiek/Kontemporêr
Beroep(e)Sanger/Liedskrywer/Digter
Webwerfhttp://www.facebook.com/frikkievb

Frikkie van Biljon is ’n Suid-Afrikaanse sanger, liedjieskrywer, vervaardiger, akteur en rekenaarprogrammeerder.

Biografie[wysig | wysig bron]

Frikkie is op 24 Oktober 1985 in Klerksdorp gebore as die tweede seun van Hannes en Betsie van Biljon.

Frikkie het begin sing op die vroeë ouderdom van vyf jaar. Sy eerste solo-item het hy gelewer tydens ’n kerssangdiens in die AP Kerk op Viljoenskroon.  Op laerskool neem hy deel aan die kunswedstryd in Kroonstad en verower talle A++-sertifikate in sang.

In 1996 neem hy deel aan Radio Koppies (nou Overvaal Stereo) se talentkompetisie.  Hy word ’n CD-kontrak aangebied deur Corrie Myburgh met die voorvereiste dat hy formele sangopleiding ondergaan.  Dieselfde jaar skryf hy in by die konservatorium in Potchefstroom en ontvang opleiding onder leiding van een van Werner Nel se M.-studente. Later daardie jaar verhuis sy ouers na Mtubatuba en kon ongelukkig nie opvolg om die kontrak deur te voer nie.

Tydens sy hoërskooljare neem hy deel aan talle geleenthede wat gereël is deur die ATKV waar hy voorvertonings doen vir konserte van o.a. Jannie du Toit, Christa Steyn, Rina Hugo en Steve Hofmeyr. Hy word later vereer deur die ATKV-Richardsbaai vir die bevordering van Afrikaans deur sang.

Op universiteitsvlak word hy in sy eerstejaar gekeur vir die studentegeselskap Alabama.  Weens akademiese redes moes hy onttrek aan die groep.  Hy wend egter sy talente aan en neem ses jaar lank deel aan die enkelsêr en binglesêr kompetisies op die PUK-kampus.

Frikkie verwerf ’n B.Sc.-graad in Inligtingstegnologie aan die NWU PUK en is ook ’n voltydse rekenaarprogrammeerder[1].

Hy skryf ook eie komposisies vir verskeie koshuise waarvan 6 van sy musiekstukke top 5 behaal het op verskeie geleenthede.  Hy neem deel aan koshuistoneel en wend sy talente aan om te help met die beplan, skryf en afrigting van verskeie eerstejaarskonserte. Verder rig hy ook 3 sanggroepe af. In 2007 word hy deel van die sanggroep B# wat deelneem aan die Artéma Kampustalentfeeskompetisie waar die groep ook deurdring na die finaal.

In 2017 doen hy ’n oudisie vir die rol van Martin Luther in die produksie Uit Diep van Donker Nagte (geskryf deur Ina Opperman) en kry die voorreg om die rol dan ook uiteindelik te vertolk[2].

In Mei 2019 skep hy saam met Karin Venter die aanlyn vermaaklikheidskoerant Plectrum.

Musiek[wysig | wysig bron]

Na ’n lang breuk van die kunstewêreld besluit hy om weer sy droom na te streef en begin in 2017 weer met sangopleiding by Jolanda Becker.  Hy neem deel aan Sing vir die sterre waar hy 2 A++ sertifikate lossing.  Hy reik ook sy eerste enkelsnit uit (Altyd by my[3]) wat hy geskryf het in samewerking met Albert Short.

Later daardie jaar stel hy sy tweede enkelsnit “Elke tree” bekend. (’n Afrikaanse vertaling van “On my way” oorspronklik gedoen deur Omar Naber)

In Junie-maand van 2017 woon Frikkie ’n liedskryfwerkswinkel by wat aangebied is deur Joe Foster (Ghoemawenner) by die Song House in Pretoria.

In Meimaand stel Frikkie ook die musiekvideo vir “Altyd By My” bekend wat ook uiteindelik op KykNET NOU! gespeel word. Die musiekvideo is vervaardig deur Jacobus Kriel en is verfilm in die Tulbagh-omgewing.

In 2018 stel hy sy volgende enkelsnit JOU WêRELD[4] vry wat goed deur radiostasies landwyd ontvang is.

In die middel van 2018 stel hy sy enkelsnit HOFNAR[5][6] vry wat geskryf is in samewerking met Paul Venter. Die lied word goed ontvang deur radio, gedrukte media en televisie. Die video is ook op YouTube te siene.

Kort na die vrystelling van HOFNAR stel hy die lied ELKE STUKKIE KAAP[7] vry wat hy saam met Steffie le Roux geskryf het.

Aan die begin van 2019 reik hy die lied DALK NOOIT[8][9] uit wat geskryf is saam met Jan Albert Short (RSG Radiodrama wenner 2017). Die musiekvideo is vervaardig deur Zander de Beer van WinterTrail Pictures en is tans saam met al sy vorige videos op KykNET NOU! geplaas.

Album[wysig | wysig bron]

Frikkie stel in 2018 sy kortspeler DIS WIE EK IS bekend wat 5 snitte op bevat. Een van die snitte is ELKE TREE wat `n Afrikaanse weergawe van die lied ON MY WAY. Die lied is oorspronlik gesing deur Omar Naber tydens die 2017 Eurovision kompetisie.

Digkuns[wysig | wysig bron]

Tydens sy hoërskooljare het Frikkie deelgeneem aan verskeie digkunskompetisies. Van sy werk is opgeneem en gepubliseer in die bundel KOMSAT.[verwysing benodig]

Eksterne Skakels[wysig | wysig bron]

Bronne[wysig | wysig bron]

  1. https://jouloopbaan.solidariteit.co.za/rekenaarprogrammering-wees-skeppend-met-logika/ Rekenaarprogrammering - wees skeppend met logika.
  2. Geemeenskapsteater lewer plaaslike talent op - Gemeenskapsteater lewer plaaslike talent op.
  3. http://www.fak.org.za/2017/07/24/altyd-by-my/Altyd by my
  4. https://afrmusieknuus.co.za/2018/02/10/frikkie-van-biljon-nooi-jou-na-sy-wereld/ Frikkie van Biljon nooi jou na sy wêreld.
  5. https://vaalweekblad.com/epapers/vaalweekblad-6-8-junie-2018/ Vaalweekblad 6 - 8 Junie 2018 (Bl. 9)
  6. Huisgenoot 12 Jul 2018. Op ons speellys. Jaco Hough-Coetzee https://www.pressreader.com/south-africa/huisgenoot/20180712/page/53
  7. https://vaalweekblad-epaper.products.caxton.co.za/wp-content/ftp/epaper_uploads/92/Vaalweekblad_23_-_26_Oktober_2018/Vaalweekblad_23_-_26_Oktober_2018.pdf Vaalweekblad 24 - 26 Okt 2018 (Bl 9)
  8. https://www.plectrummusiek.co.za/sal-die-liefde-ooit-gebeur-of-dalk-nooit-n-ballade-deur-frikkie-van-biljon/ Sal die liefde ooit gebeur of dalk nooit 'n ballade deur Frikkie van Biljon
  9. Vrouekeur, 9 Aug 2019. Christiaan J de Swardt - Ballade met fut. https://www.pressreader.com/south-africa/vrouekeur/20190809/page/40