Gamkapoortdam
| Gamkapoortdam | |
|---|---|
| Amptelike naam | Gamkapoortdam |
| Ligging | naby Prins Albert |
| Provinsie/Land | Wes-Kaap, Suid-Afrika |
| Koördinate | 33°16′56.2″S 21°39′45.9″O / 33.282278°S 21.662750°OKoördinate: 33°16′56.2″S 21°39′45.9″O / 33.282278°S 21.662750°O |
| Dam in | Gamkarivier |
| Doel | Besproeiing en huishoudelik |
| Eienaar | Departement van Waterwese en Bosbou |
| Soort dam | Gravitasiedam |
| Hoogte van wal | 42 m |
| Lengte van wal | 213 m |
| Reservoir | Gamkapoortdam |
| Kapasiteit | 54 000 m³ |
| Opvanggebied | 17 055 km² |
| Damoppervlak | 620 ha |
Die Gamkapoortdam is in die Gamkarivier in die Karoo.
Ligging[wysig | wysig bron]
Die dam lê afgeleë Dit kan bereik word via die Bosluiskloofpas wat na oos wegdraai aan die noordekant van die Seweweekspoort. Hierdie pad was voor die bou van die dam die roete tussen Laingsburg en Prins Albert, maar die damwater het hierdie roete versper. Die dam lê tussen die Gamka-natuurreservaat, Towerkop-natuurreservaat, Groot Swartberg-natuurreservaat en Die Hel-natuurreservaat. Die wal is by 33° 16′ 56,2″ suid en 21° 39′ 45,9″ oos, dit is 2 km suid van die aansluiting van die Dwykarivier by die Gamka, en waar die Gamka deur die Swartberge gaan. Net voor die dam sluit twee klein riviere, die Elandskloofrivier en die Kerksrivier by die Gamka aan en loop ook water uit die Bosluiskloof in die dam.
Dam[wysig | wysig bron]
Hierdie swaartekragtipedam is in 1969 gebou met vloedbeheer as hoofdoel. Dit het toe ‘n bakmaat gehad van 57 miljoen m³. Weens toeslikking het dit stadig afgeneem en staan tans op 36,3 miljard liter. Die wal is 42 m hoog en 213 m lank, het ‘n opvanggebied van 17 055 km² en ‘n vol dam skep ‘n wateroppervlakte van 6 km².
Let wel[wysig | wysig bron]
Die dam moet nie verwar word met die Gamkadam, die Leeu-Gamkadam en die Springfonteindam nie.