Gebruikerbespreking:Nomdeplume

in Wikipedia, die vrye ensiklopedie
Jump to navigation Jump to search

Beeld:Dassierot Suider-Afrika.png[wysig bron]

Haai, Nomdeplume

Dit is nie tans duidelik onder watter lisensie die bogenoemde beeld vrygestel is nie. Jou ander self-gemaakte beelde wat jy opgelaai het, was gemerk met {{PD-User}}, maar ek wou nie sommer net dieselfde aanneem vir hierdie beeld ook nie. Voeg asseblief die gepaste lisensie by die beeld (sien Wikipedia:Kopieregetikette vir beelde), ten einde die toestemming tot hergebruik en wysiging van die beeld duidelik te maak.

Let wel: indien 'n aanvaarbare lisensie nie binne 2 weke van hierdie boodskap bygevoeg word nie, mag die beeld vir verwydering kwalifiseer. Die lisensie moet asseblief by die beeldblad self gevoeg word en nie slegs hier gemeld word nie. Indien jy enige vrae of probleme het, moet jy asseblief nie huiwer om my op my besprekingsblad te kontak nie. Anrie (kontak) 07:57, 4 Junie 2008 (UTC)

Haai Anrie,
Dankie. Ek plaas die sjabloon in. Om jou reuse-werk van skoonmaak voortaan makliker te maak, kan jy gerus alle soortgelyke kaarte in my Diereryk-bydraes as {{PD-User}} merk namens my, sonder die schlep om dit met my te verifieer, aangesien hulle almal selfgemaak is.

Nomdeplume (kontak) 15:43, 4 Junie 2008 (UTC)

Verwysings[wysig bron]

Haai, Nomdeplume

Ek kontak jou hier, sodat ons nie hansjoseph se besprekingsblad kaap nie. Ek onderskei tussen 'n bronnelys en verwysings. Die algemene gevoel is dat slegs sommige goed 'n direkte verwysing benodig. Spekulatiewe menings, direkte aanhalings, statistiek, omstrede of sensitiewe inligting, ens. moet almal van 'n verwysing voorsien word - daarvoor is dan ook Sjabloon:Feit geskep, vir stellings wat bevraagteken word en nie van 'n bron voorsien word nie. Mens hoef darem nie vir elke liewe feit so 'n verwysing te skep nie, anders kan dit redelik belaglik raak. Anrie (kontak) 13:37, 10 Junie 2008 (UTC)

Hopelik het hansjoseph die gesprek ook geniet... Ek sien wat jy bedoel, en dit klaar dit vir my op. Ek was lank weg, dus het ek nou opnuut 'n leerkurwe. Ek was laas hier toe ons liewe burokraat Alias al sy dae gehad het om my te leer om ten minste die permanente skakel na die vertaalde blad aan te bring. Ek sal mettertyd my vroeëre vertalings nagaan en kyk dat ek bronnelyste aanbring; so verminder dit hansjoseph se werk van sjabloonplasings ook darem.
Groete, Nomdeplume (kontak) 13:56, 10 Junie 2008 (UTC)

Skryfweek Maandag, 23 September 2019 – Sondag, 29 September 2019[wysig bron]

Hallo, Nomdeplume, onthou asb. om onderwerpe te nomineer vir volgende week se skryfweek! Namibië loop tans voor, met Indonesië in die tweede plek! – K175 (gesels met my | my bydraes) 17:09, 22 September 2019 (UTC)