Geelhout

Geelhout (Podocarpus latifolius)
Podocarpus latifolius in die Drakensberg
Bewaringstatus
Veilig (IUBN 3.1)
Wetenskaplike klassifikasie
Koninkryk: Plantae Divisie: Pinophyta Klas: Pinopsida Orde: Pinales Familie: Podocarpaceae Genus: Podocarpus Spesie: P. latifolius
Binomiale naam
Podocarpus latifolius (Thunb.) R.Br. ex Mirb.

Die breëblaar-geelhout of opregte geelhout (Podocarpus latifolius) is 'n groot immergroen boom wat tot 35 m hoog word in die familie Podocarpaceae. Die stam kan 'n middellyn van tot 3 m hê. Die boom is Suid-Afrika se nasionale boom. Dit is reusagtig wanneer dit in immergroen berg- en kuswoude groei, maar kom voor as lae of dwergagtige bome op blootgestelde berghange. Dit kom voor van die Wes-Kaap tot Mpumalanga en Limpopo. Hierdie spesie is inheems aan Suid-Afrika en Swaziland en op die SANBI-rooilys is dit as 'veilig' gelys.

Die bas is longitudinaal gegroef. Manlike bome produseer pienkerige, katjieagtige keëls wat ongeveer 2,5 cm lank is. Die vroulike bome produseer vlesige blombodems en aan die punt word een of twee sade gevind. Die sade is ongeveer 1 tot 1,5 cm lank, dun en vlesig en word op 'n helderrooi, vlesige kussinkie gedra. Die sade word blou of perskleurig wanneer hulle volwassenheid bereik.

Die hout word ook in die houtbedryf gebruik.

Sien ook

• Lys van Nasionale Simbole van Suid-Afrika
• Alfabetiese lys van Suid-Afrikaanse bome

Bronne

• Conifer Specialis Groep (1998). Podocarpus latifolius. 2006 IUCN Rooilys van Bedreigde spesies. IUBN 2006. Besoek op 12 Mei 2006.
• Suid-Afrikaanse Staatsimbole
• Algemene gids tot BOME. Keith, Paul & Meg Coates Palgrave. 2000. ISBN 1-86872-527-8

Eksterne skakels

• Wikimedia Commons het meer media in die kategorie Geelhout.

• Wikispecies het meer inligting verwant aan: Geelhout

Amptelike simbole van Suid-Afrika
Blom:	Boom:	Voël:	Dier:	Vis:
die koningsprotea	die geelhout	die bloukraanvoël	die springbok	die galjoen
Protea cynaroides	Podocarpus latifolius	Grus paradisius	Damaliscus pygarus	Distichius capensis