Withalssprinkaanvoël

Withalssprinkaanvoël
Die nominaatsubspesie naby die Murchisonwaterval in Uganda
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Klas:	Aves
Orde:	Charadriiformes
Familie:	Glareolidae
Genus:	Glareola
Spesie:	G. nuchalis
Binomiale naam
Glareola nuchalis Gray, 1849
verspreiding
Sinonieme
Galactochrysea liberiae Galactochrysea emini

Die withalssprinkaanvoël (Glareola nuchalis) is 'n skaars intra-Afrika trekvoël in tropiese en subtropiese gebiede. Dit word by rotsagtige plekke in riviere aangetref, en word in Suider-Afrika byna uitsluitlik by die Zambezi-, Chobe- en Okavangoriviere opgemerk, en is slegs as 'n skaars swerwer suidwaarts daarvan. Die streekbevolking is minder as 2 000. Die voël is 17 tot 20 cm groot en weeg 42 tot 55 gram met 'n vlerkspan van 50 cm. In Engels staan dit as die rock pratincole bekend.

Subspesies

Daar is twee erkende subspesies:

• G. n. nuchalis (Gray, 1849), – withalssprinkaanvoël – Tsjad tot Ethiopië, suidwaarts na suidelike Angola & noordoostelike Namibië tot westelike Zambië & Mosambiek

• G. n. liberiae (Schlegel, 1881), – roeshalssprinkaanvoël – van Sierra Leone tot westelike Kameroen

Galery

• 
  Illustrasie van die twee subspesies (Keulemans)
• 
  'n Broeipaar in Uganda by hul twee kuikens
• 
  'n Groepie vertoef op rotse in die Choberivier

Sien ook

• Alfabetiese lys van Suid-Afrikaanse voëls
• Lys van Suid-Afrikaanse voëls (Groepeer)
• Lys van Suider-Afrikaanse voëls volgens wetenskaplike name

Bron

• Sasol Voëls van Suider-Afrika. Struik Nature. Vierde Uitgawe 2011. ISBN 978-1-77007-926-7