Gorrelskurwepadda

Gorrelskurwepadda
Bewaringstatus
Veilig  (IUCN 3.1)
Wetenskaplike klassifikasie
Koninkryk:	Animalia
Filum:	Chordata
Klas:	Amphibia
Orde:	Anura
Suborde:	Neobatrachia
Familie:	Bufonidae
Genus:	Amietophrynus
Spesie:	A. gutturalis
Binomiale naam
Amietophrynus gutturalis (Power, 1927)
Sinonieme
Bufo spinosus Bocage, 1868 "1867" nec Daudin, 1803 Bufo regularis gutturalis Power, 1927 Bufo regularis ngamiensis FitzSimons, 1932 Bufo gutturalis Power, 1927

Die Gorrelskurwepadda (Amietophrynus gutturalis) is 'n skurwepadda wat in sentraal, noord en Suidelike Afrika voorkom.

Verspreiding

Dit word in Angola, Botswana, Demokratiese Republiek van die Kongo, Ethiopië, Eswatini, Kenia, Lesotho, Malawi, Mauritius, Mosambiek, Namibië, Réunion, Somalië, Suid-Afrika, Tanzanië, Zambië en Zimbabwe aangetref.

Habitat

Die padda se natuurlike habitat is subtropiese of tropiese droë woude, subtropiese of tropiese klam laaglandwoud, subtropiese of tropiese klam bergbos, droë savanne, klam savanne, gematigde struikveld, subtropiese of tropiese droë struikveld, subtropiese of tropiese klam struikveld of droë laagland grasveld, subtropiese of tropiese seisoenaal nat of oorstroomde laagland grasveld, subtropiese of tropiese hoogliggende grasveld, afwisselende riviere, varswatermere, varswatermoerasse, bewerkbare grond, weiveld, landelike tuine, stedelike gebiede, swaargedegradeerde voormalige woud, dammetjies, kanale en slote.

Mannetjie wat kwaak

Identifikasie

Die gorrelskurwepadda is 'n groot spesie met mannetjies wat 'n snoet-tot-ventlengte van tot 90 mm en wyfies 120 mm bereik. Die rugvel is sandbruin of grys met wisselende onreëlmatige donkerbruin merke. Daar is twee pare bruin kolle tussen die oë wat 'n kruismerk maak, en daar is dikwels 'n ligte streep langs die ruggraat. Die voorbene word omring deur kenmerkende wit knolle en daar is 'n rooi kol op die agterkant van die dye. Die borskant is bleek en korrelvormig en die mannetjie het 'n donker keel. Die parotiskliere is prominent en die tone is net effens geweb.

Bronnelys

• Butchart, Duncan: Natuurlewe van Suid-Afrika. Struik Nature. 2012. ISBN 978 1 43170 248 0

Eksterne skakels

• Wikispecies het meer inligting verwant aan Gorrelskurwepadda
• Wikimedia Commons het meer media in die kategorie Gorrelskurwepadda.