Groot Hongaarse Laagvlakte

in Wikipedia, die vrye ensiklopedie
Spring na: navigasie, soek
Die Groot Hongaarse Laagvlakte as deel van die Pannoniese Laagvlakte
Die Groot Hongaarse Laagvlakte beslaan die grootste deel van Oos-Hongarye
Tradisionele waterputte maak deel uit van die laagvlakte se landskapsbeeld

Die Groot Hongaarse Laagvlakte (Hongaars: (Nagy-)Alföld, Slowaaks: Veľká dunajská kotlina) is 'n plat landskap wat deel uitmaak van die Pannoniese Laagvlakte en oor Oos-Hongarye asook dele van Roemenië, Serwië, Kroasië, Slowakye (hier Oos-Slowaakse Laagvlakte genoem) en Oekraïne ("Transkarpatiese Laagland") strek. Dit vorm die mees westelike deel van die Eurasiese Steppegordel met sy kenmerkende plantegroei.

Die landskap word begrens deur die Donau in die weste, die Karpateboog in die noorde en ooste en die Balkangebergte in die suide. Die belangrikste riviere, wat deur die laagvlakte vloei, is Theiss en Donau, met groter syriviere soos Maros en Körös asook twee hoofkanale van die Theissrivier, die Keleti- en Nyugati-kanale.