Grootvadersbosch

in Wikipedia, die vrye ensiklopedie
Jump to navigation Jump to search
Grootvadersbosch
Land Suid-Afrika
Provinsie Wes-Kaap
Naaste dorp Swellendam en Heidelberg
Ligging van Grootvadersbosch op 'n kaart (Wes-Kaap)
Grootvadersbosch
Grootvadersbosch
Koördinate: 33°56′24″S 20°48′0″O / 33.94000°S 20.80000°O / -33.94000; 20.80000Koördinate: 33°56′24″S 20°48′0″O / 33.94000°S 20.80000°O / -33.94000; 20.80000
Oppervlak 2,5 km²
Openingsjaar 1986
Bestuursliggaam CapeNature

Grootvadersbosch is 'n historiese plaas in die Overberg en tans 'n natuurreservaat aan die suidekant van die Boosmansbos-wildernisgebied.

Ligging[wysig | wysig bron]

'n Berglandskap in die Grootvadersbosch-natuurreservaat
Grootberg en die berglandskap van die Boosmansbos- en Grootvadersbosch-natuurreservate van die Langeberg
Flora van die Grootvadersbosch

Grootvadersbosch is in die voetheuwels van die Langeberg, oos van Oude Post en die Tradouwpas na Barrydale en noord van die grondpad van Swellendam oor Buffeljagsrivier en Suurbraak na Heidelberg. Beide die Slangrivier en die Duiwenhoksrivier ontspring in die gebied.

Natuurreservaat[wysig | wysig bron]

Grootvadersbosch is die grootste oorblywende inheemse bos in die Langeberg. 'n Voetslaanpad en 'n bergfietsroete is in die reservaat ontwikkel.

Dierelewe[wysig | wysig bron]

In hierdie woud is die bosbok vir die eerste maal deur 'n Europese wetenskaplike gesien toe die Sweed Anders Sparrman die streek in 1776 besoek het. Nadat meer as 50 jaar daarna gesoek is, het John Visser in November 1969 die eiers van die paddaspesie Heleophyryne purcelli orientalis hier opgespoor.

Geskiedenis[wysig | wysig bron]

VOC-soldate het reeds vroeg die hout in die bosse begin ontgin. Trekboere het hulle in die omgewing gevestig en in 1724 verkry Roelof Olofsz die plaas Grootvadersbosch. Daarna was Jacobus Steyn die eienaar. In 1744 stig goewerneur Hendrik Swellengrebel hier 'n skool en stuur sieketrooster Abraham Schietekat om as onderwyser diens te doen en na die geestelike versorging van die boere om te sien. Pionier-koloniseerder Benjamin Moodie verkry die plaas in 1817 en ontwikkel hierdie bakermat van die Moodie-familie in Suider-Afrika tot een van die vooraanstaande plase in die Overberg. Die plaas lewer hout, koring, vrugte, tabak, wyn en brandewyn. Deur die jare heen het verskeie bekende persone die plaas besoek: die plantkundiges Carl Peter Thunberg in 1772 en Francis Masson, die reisiger en anvonturier Francois le Vaillant in 1782, die sendeling en plantkundige James Backhouse en in 1830 die sendeling dr. John Philip.

Bibliografie[wysig | wysig bron]

  • Burrows, Edmund H.: Overberg Outspan. A chronicle of people and places in the south western districts of the Cape. Swelllendam: Swellendam Trust, 1988. ISBN 0-620-12930-1

Eksterne skakels[wysig | wysig bron]