Grumman F4F Wildcat

in Wikipedia, die vrye ensiklopedie
Jump to navigation Jump to search
Grumman F4F Wildcat
F4F-3 new pitot tube of later model.jpg
F4F-3 in 1942
Tipe Vegvliegtuig
Vervaardiger Grumman Aircraft Engineering Corporation
Nooiensvlug 2 September 1937
Status Uit diens gestel
Hoofgebruikers Amerikaanse Vloot
Britse Vloot

Koninlike Kanadese Vloot Mariene Korps

Aantal gebou 7 885

Die Grumman F4F Wildcat was 'n enkelsitplek, enkelmotorige vegvliegtuig wat deur die Amerikaners gebruik is tydens die Tweede Wêreldoorlog. Die vliegtuig is eers as 'n dubbeldekker ontwerp en later verander na 'n monovlerkvliegtuig, vandaar sy unieke vorm. Vroeg in 1939 het die Franse Lugmag die eerste bestelling vir dié vliegtuig geplaas. In Augustus van dieselfde jaar het die Amerikaanse Vloot ook 'n bestelling geplaas. Nadat Frankryk aan Nazi-Duitsland oorgegee het, is hulle bestelling aan Groot-Brittanje afgelewer. Die eerste modelle het die Britse Vloot teen Julie 1940 bereik en is aan 804 Eskader toegedeel. Brittanje het die vliegtuig die Martlet genoem.

In Desember 1940 het twee Martlet's 'n Duitse vliegtuig afgeskiet en sodoende die eerste Amerikaansvervaardigde vliegtuig geword om sukses te behaal in die Tweede Wêreldoorlog. In September 1941 het 802 Eskader aan boord die HMS Audacity gegaan, die eerste sodanige Eskader. Op 20 September het die Eskader 'n Focke-Wulf 200 vernietig wat hulle konvooi agtervolg het.

Op 28 September 1941 het Martlet's van die Britse Vloot, wat diens gedoen het in Westelike Woestyn tydens die Noord-Afrika veldtog, 'n Italiaanse Fiat G.50 afgeskiet. In Mei 1942 het Martlet's van die Britse Vloot deelgeneem aan aksie oor Madagaskar teen Vichy Frankryk. In Augustus van daardie jaar het hulle 'n Italiaanse bomwerpers oor die Middellandse See aangeval. Op daardie stadium het die vliegtuig reeds 'n reputasie as formidabele vegter gehad.

Amerika tree tot die oorlog toe[wysig | wysig bron]

Toe Amerika in Desember 1941 tot die oorlog toetree was die F4F reeds bekend as die Wildcat. Dit was toe die mees gebruikte vegvliegtuig op Amerikaanse vliegdekskepe. Dit is ook gebruik op baie landbasisse van die Amerikaanse Mariene Korps. Die vliegtuig was tot in 1943 die enigste vliegtuig in gebruik op vliegdekskepe totdat die Hellcatt verskyn het. Gedurende hierdie tydperk het die Wildcat's aan verskeie heldhaftige militêre aksie deelgeneem saam met die Amerikaanse Vloot en Mariene Korps.

Mariene Korps Hellcatt's is vanaf land basisse bedryf, een van hulle was Henderson Field op Guadalcanal wat gebruik was om die eerste offensief te loods in die oorlog in die Stille Oseaan. Een Mariene Wildcat vlieënier kaptein Joe Foss, 'n vlugkommandeur van die Mariene Vegter Afdeling, het vanaf Guadalcanal sy vlug van 8 Wildcat's gelei tot 72 bevestigde vyandelike vliegtuie vernietig oor 'n tydperk van 16 weke. Foss het self 26 vliegtuie afgeskiet, insluitende vyf op een dag en die Congressional Medal of Honour was aan hom toegeken.

In een-tot-een situasies was die Japanese Mitsubishi A6M Zero beter af as die Wildcat maar met sy beter pantser, selfselende brandstoftenks en met 'n vasberade vlieënier was die stryd so te sê gelyk op tussen die twee vliegtuie. Die Amerikaanse Vloot het sy Wildcat's vervang in 1943 met Hellcat's maar die Britse Vloot het hulle s'n bedryf tot aan die einde van die oorlog. Sedert Januarie 1944 het die Britse Vloot nie meer die naam Martlet gebruik nie. 882 Eskader het vier Messerschmitt Bf 109's afgeskiet in Maart 1945; dit was die laaste oorwinning van Britse Vloot vliegtuie in die oorlog.

Wildcat's gebou deur General Motors was bekend as die FM-1 en FM-2.

Tegniese besonderhede[wysig | wysig bron]

Besonderhede van die Grumman FM-2 Wildcat:
Item Statistiek
Aantal motore 1
Tipe motor Skroef
Vervaardiger Wright Cyclone R-1820-56 9-silinder, lugverkoelde stermotor.
Kraglewering per motor 1,350 perdekrag
Vlerkspan 11,58 m
Lengte 8,8 m
Hoogte 3,5 m
Vlerkoppervlakte 24,16 m2
Maks. opstygmassa 3 367 kg
Maks. snelheid 534 km/h
Operasionele hoogte 10 576 m
Togafstand 1,448 km
Klimvermoë 610 m per minuut
Bewapening Ses 12,7 mm masjiengewere in vlerke

plus twee ondervlerk 113 kg bomme
of ses 12.7 mm vuurpyle

Sien ook[wysig | wysig bron]

Bron[wysig | wysig bron]