HP Inc.
  | |
| Tipe | Publieke maatskappy |
|---|---|
| Gestig | 1 Januarie 1939 in Palo Alto, VSA as Hewlett-Packard Company; 1 November 2015 as HP Inc. |
| Hoofkantoor | , |
Sleutelpersone | William Redington Hewlett, Dave Packard (stigters); Chip Bergh (voorsitter) Dion Weisler (president en hoof uitvoerende beampte) |
| Produkte | Rekenaars en skootrekenaars, rekenaarskerms, drukkers, skandeerders, kopieerders, digitale druktegnologie, 3D-drukkers |
| Inkomste |  52,056 miljard VSA-$ (2017) |
 3,276 miljard VSA-$ (2017) | |
3 203 000 000 Amerikaanse dollar (2022)  | |
| Totale bates | 29 010 000 000 Amerikaanse dollar (2016) |
Aantal werknemers | 55 000 (2018) |
| Webwerf | HP.com |
HP Inc. (ook bekend as HP, gestileerd: hp) is 'n multinasionale Amerikaanse onderneming in die inligtingstegnologiebedryf wat sy hoofkwartier in Palo Alto, Kalifornië het. HP Inc. ontwikkel persoonlike rekenaars, drukkers en drukkertoebehore asook 3D-drukkertegnologie.
Die onderneming is op 1 November 2015 gevorm uit die rekenaar- en drukkerafdelings van die oorspronklike Hewlett-Packard Company, terwyl alle afdelings met produkte, wat in die behoeftes van professionele klante soos ondernemings voorsien (bedieners, wolkstoordienste, netwerk, sakekonsultasie, sagteware en finansies), in 'n nuutgestigte aparte onderneming, Hewlett-Packard Enterprise (HPE), saamgevat is. Die maatskappy se opsplitsing het die naamsverandering van Hewlett-Packard tot HP Inc. behels, waarby hierdie onderneming HP se aandeleprysgeskiedenis van voor-2015 asook sy effektebeurs-teledrukker-simbool HPQ bybehou het, terwyl HPE se aandele onder die simbool HPE nuut op effektebeurse verhandel word.