Hans Heese
Hans Friedrich Heese (26 Julie 1944 - 18 Maart 2024) was ‘n Suid-Afrikaanse skrywer en genealoog.[1] Heese was ‘n gerekende geskiedenisskrywer en kenner op die gebied van die bevolkingsamestelling van die vroeë Kaap, en veral die slawegeskiedenis.[2]
Heese het sy skoolopleiding aan die Hoërskool Uniondale ontvang, 1962-1966 aan die Universiteit Stellenbosch (US) gestudeer (BA en Senior Onderwysdiploma) en by verskeie skole in Malawi, Noord-Kaap, Namibië en Kaapstad onderrig gegee.[1] Hy het sy Meestersgraad in Geskiedenis aan die Universiteit Kaapstad (UK) (1974) verwerf en sy PhD-graad aan die UK in 1976 behaal vir sy proefskrif "Afrikaners in Angola, 1880-1928".
Hy het in 1976 as navorser by die nuutgevonde Instituut vir Historiese Navorsing aan die Universiteit van Wes-Kaapland (UWK) aangesluit. In 1985 publiseer hy sy navorsing oor rasse-integrasie in die vroeë Kaapse samelewing onder die titel "Groep sonder Grense", later na Engels vertaal en gepubliseer onder die titel Cape Melting Pot. ’n Studie oor misdaad en geregtigheid gedurende die 18de eeu, "Reg en Onreg", het in 1994 gevolg.
Sy publikasie, "Amsterdam tot Zeeland. Slawestand tot Middestand?" handel oor slawerny in Stellenbosch-distrik.[3]
Personlike lewe
[wysig | wysig bron]hy is getroud aan Melinda Smith.[1]
Verwysings
[wysig | wysig bron]- ↑ 1,0 1,1 1,2 1,3 "Hans Friedrich Heese". www.stellenboschwriters.com (in Engels). 19 Julie 2024. Geargiveer vanaf die oorspronklike op 20 Julie 2024. Besoek op 16 Julie 2024.
- ↑ 2,0 2,1 Leonie Bezuidenhout (20 Maart 2024). ""Skatkis van kennis": Hans Heese sterf". Maroela Media. Geargiveer vanaf die oorspronklike op 20 Julie 2024. Besoek op 20 Maart 2024.
- ↑ 3,0 3,1 "Hans Heese". African Economic History Network. 20 Maart 2024. Geargiveer vanaf die oorspronklike op 20 Julie 2024. Besoek op 20 Maart 2024.
Normdata  |
|
|---|