Harry Belafonte

in Wikipedia, die vrye ensiklopedie
Harry Belafonte in 2011.

Harold George Belafonte (1 Maart 192725 April 2023) was 'n Amerikaanse sanger en akteur. Hy het die bynaam "King of Calypso" gekry omdat hy calypso-musiek tot internasionale roem gebring het. Hy het bekend geword met sy treffer Banana Boat Song en sy werk as 'n UNICEF-ambassadeur.[1]

Lewensverloop[wysig | wysig bron]

Belafonte is in New York gebore en het in Harlem grootgeword. Van 1935 tot 1940 het hy by sy ouma in Jamaika gewoon.[2] Nadat hy na New York teruggekeer het, het Belafonte die Hoërskool George Washington bygewoon. Hy het toe by die Verenigde State se vloot aangesluit, waar hy tydens die Tweede Wêreldoorlog diens gedoen het. In die laat 1940's het hy toneellesse geneem. Hy het sy loopbaan as jazzsanger in nagklubs begin waar musikante soos Charlie Parker, Miles Davis en Max Roach ook aktief was. Met sy goeie vriend en kitaarspeler Millard Thomas het hy sy debuut in die Village Vanguard gemaak. Later het Belafonte toenemend in tradisionele volksmusiek belang gestel. In 1952 het hy 'n kontrak met die platemaatskappy RCA Victor geteken.

Belafonte was van 1948 tot 1957 met die sielkundige Marguerite Byrd getroud. Saam het hulle twee dogters gehad. In 1957 trou hy met die aktrise en danser Julie Robinson. Hulle het 'n seun en 'n dogter saam. Na 47 jaar van huwelik is Belafonte en Robinson in 2004 geskei. In April 2008 is Belafonte vir die derde keer met fotograaf Pamela Frank getroud. Hy is op 25 April 2023 in sy tuisstad New York oorlede.[3]

Burgerregte en politieke menings[wysig | wysig bron]

In die vroeë 1950's was hy 'n vroeë lid van die burgerregtebeweging. Belafonte was 'n goeie vertroueling van Martin Luther King. Terwyl hy in 1968 op 'n Petula Clark TV-program opgetree het, het Clark gelag terwyl hy gesing het en aan Belafonte se arm geraak. In daardie dae was hierdie beeld baie skaars op Amerikaanse televisie. Vriendelike kontak tussen verskillende rasse is 'nie gedoen nie'. Dit het gelei tot baie ontevredenheid en protes van die borg Plymouth Motors, maar die vertoning het voortgegaan. Belafonte het die Live Aid-konsert in 1985 mede-organiseer, asook USA for Africa se We are the world, waar We are the world 'n poging deur talle kunstenaars was om geld vir Afrika in te samel. In 1987 is hy aangestel as welwillendheidsambassadeur by UNICEF. Belafonte is bekend vir sy ondersteuning van John F. Kennedy en Robert Kennedy. Hy is ook bekend vir sy afkeer van Colin Powell en Condoleezza Rice, wat hy in 2002 as "huisslawe" bestempel het omdat hulle nie in opstand gekom het teen George W. Bush se besluit om oorlog te voer teen Irak nie. In 2005 het hy swart Republikeine "tiranne" genoem en lede van die Bush-administrasie met Nazi's vergelyk.

Verwysings[wysig | wysig bron]

  1. https://www.telegraaf.nl/entertainment/1316924/jarige-belafonte-90-krijgt-bieb-cadeau ,Jarige Belafonte (90) krijgt bieb cadeau, besoekdatum 2021-12-12, 2017-02-28, Telegraaf, argief https://archive.today/20211212183720/https://www.telegraaf.nl/entertainment/1316924/jarige-belafonte-90-krijgt-bieb-cadeau, argiefdatum 2021-12-12.
  2. Petrusich, Amanda. Harry Belafonte and the Social Power of Song, https://www.newyorker.com/culture/cultural-comment/harry-belafonte-and-the-social-power-of-song , 2017, The New Yorker, 22 Februarie
  3. https://nos.nl/artikel/2472815-amerikaanse-zanger-en-acteur-harry-belafonte-96-overleden ,Amerikaanse zanger en acteur Harry Belafonte (96) overleden, 2023-04-25, besoekdatum=2023-04-25