Henry Timson Lukin

in Wikipedia, die vrye ensiklopedie
Jump to navigation Jump to search
Henry Lukin
24 Mei 1860 – 15 Desember 1925 (op 65)
Henry Timson Lukin

Henry Lukin, voor 1925

Bynaam(e) Tim
Geboorteplek Edith Villas, Fulham, Engeland
Plek van afsterwe Muizenberg, Kaapprovinsie
Lojaliteit Vlag van Verenigde Koninkryk Verenigde Koninkryk
Vlag van Suid-Afrika Suid-Afrika
Diens/Tak Flag of the British Army.svg Britse Leër
Jare in diens 1878–1919
Rang Generaal-majoor
Eenheid Cape Mounted Riflemen
Poste beklee 1ste Suid-Afrikaanse Infanteriebrigade
9de (Scottish) Division
64de Division
Veldslae/oorloë Anglo-Zoeloeoorlog
Basoetoeland Geweeroorlog
Betsjoeanaland-veldtog
Tweede Vryheidsoorlog
Eerste Wêreldoorlog
Toekennings Knight Commander of the Order of the Bath
Companion of the Order of St Michael and St George
Distinguished Service Order
Ander werk Eerste president van die Britse Empire Service League (SA)

Generaal-majoor Sir Henry Timson Lukin (1860–1925) was 'n Suid-Afrikaanse soldaat. Hy is in 1860 in Londen gebore. Hy kom in 1879 in Suid-Afrika aan en veg in die Anglo-Zoeloeoorlog. Na 'n kort besoek aan Engeland keer hy in 1880 terug en sluit aan as luitenant by die Cape Mounted Riflemen. Hy veg in Basoetoeland, bly jare lank in Oos-Kaapland en neem deel aan die krygsverrigtinge teen hoofman Galishwe in Betsjoeanaland en aan die Langebergveldtog van 1897. Tydens die Tweede Vryheidsoorlog voer hy bevel oor die artillerie in die Koloniale-afdeling en neem deel aan die beleg van Wepener en talle ander gevegte. Hy word bevorder tot luitenant-kolonel en kry 'n D.S.O. Na die oorlog word hy Kolonel in Bevel van die Cape Mounted Riflemen en later Kommandant-generaal van die Koloniale Magte in die Kaap.

In 1911 woon hy die kroningsplegtigheid van Koning George V by en met die stigting van die Unie-Verdedigingsmag in 1912 word hy aangestel as Inspekteur-generaal. Tydens die Eerste Wêreldoorlog veg hy in Duits-Suidwes-Afrika en Egipte. In Frankryk was hy in bevel van die Suid-Afrikaanse magte by Delvillebos en doen gasvergiftiging op. Hy word bevorder tot Generaal-majoor en is in 1925 oorlede.

Bron[wysig | wysig bron]

Eksterne skakels[wysig | wysig bron]