Wepener

Wepener
Dorp
'n Uitsig oor Wepener
Wepener  Wepener se ligging in Vrystaat
Koördinate: 29°44′0″S 27°2′0″O
Land	Suid-Afrika
Provinsie	Vrystaat
Distrik	Xhariep
Munisipaliteit	Naledi
Stigting	1867
Oppervlak
• Totaal	36,30 km2 (14,02 vk. myl)
Hoogte	1 099 m (3 606 ft)
Bevolking  (2011)
• Totaal	1 281
• Digtheid	35/km2 (90/vk. myl)
Rasverdeling (2011)
• Wit mense	13.2%
• Indiërs/Asiërs	4.5%
• Bruin mense	17.1%
• Swart mense	64.0%
• Ander	1.2%
Taal (2011)
• Suid-Sotho	51.7%
• Afrikaans	35.1%
• Engels	5.2%
• Ander	8.0%
Poskode (strate)	9944
Poskode (posbusse)	9944
Skakelkode	051 Plaaslyne: 05232

Wepener is 'n landelike dorp in die Vrystaat, 130 km suidoos van Bloemfontein, naby die grens met Lesotho. Die R26 hoofpad gaan deur die dorp.

Geskiedenis

Die dorp is gestig in 1867 ter nagedagtenis aan Louw Wepener, 'n held van die Basoeto-oorloë wat in 1865 tydens 'n militêre konfrontasie met die Basoetos doodgeskiet is. Die dorp is geleë aan die Jammersbergspruit, 'n sytak van die Caledonrivier. Die NG gemeente is in 1870 gestig en die dorp het sy eerste bestuursraad in 1875 verkies.

Distrik

Die distrik is 1 725 km² groot. Gemengde boerdery word beoefen. Die grensdorp in Lesotho is Mafeteng en Van Rooyenshek is die grenspos tussen die twee dorpe.

Tweede Vryheidsoorlog

In die Wepenerdistrik het heelwat gevegte plaasgevind gedurende die 19de eeu. Gedurende die Anglo-Boere-oorlog in April 1900 is 2000 Britse soldate vir 17 dae deur genl Christiaan de Wet se magte beleër totdat versterkings op 25 April 1900 opgedaag het. Die Britse magte in die dorp is deur kolonel E.H. Dalgety gelei.

Geboortes

• Jim Fouché (1898-1980), die derde Staatspresident van Suid-Afrika is gebore in Wepener.

Sien ook

• Gereformeerde kerk Wepener
• NG gemeente Wepener
• Lys van dorpe in Suid-Afrika

Bronne

• Erasmus, B.P.J. Op pad in Suid-Afrika. Jonathan Ball Uitgewers. ISBN 1-86842-026-4.
• Rosenthal, Eric (red.). Ensiklopedie van Suidelike Afrika. Londen en New York: Frederick Warne & Kie Bpk.

Eksterne skakels

• Wikimedia Commons het meer media in die kategorie Wepener.
• Southern Africa Places:Wepener Geargiveer 10 Maart 2007 op Wayback Machine