Hestrie Cloete

in Wikipedia, die vrye ensiklopedie
Jump to navigation Jump to search
Hestrie Cloete-Storbeck
Gebore 26 Augustus 1978 (1978-08-26) (40 jaar oud)
Germiston
Nasionaliteit Suid-Afrika
Beroep Atleet
Bekend vir Een van die beste vroulike hoogspringers nog
Eerbewyse Orde van Ikhamanga
Wêreldkampioen
Olimpiese medaljes

Hestrie Cloete-Storbeck OIS (Germiston, 26 Augustus 1978) is 'n Suid-Afrikaanse atleet en een van die beste vroulike hoogspringers nog.[1] Haar persoonlike beste hoogte (2,06 m) is ’n Suid-Afrikaanse rekord. Sy het 'n silwermedalje op beide die Olimpiese Spele van 2000 in Sydney en 2004 in Athene verower. Sy is ook twee keer as wêreldkampioen in hoogspring bekroon, in 2001 in Edmonton en in 2003 in Parys (goue medaljes). Anders as wat 'n mens van topatlete sou verwag, het sy gerook en graag wegneemetes genuttig. In 2005 is sy met die Afrikaanse sanger Jurie Els getroud. Hulle het in 2007 na Nieu-Seeland verhuis.[2]

Lewensloop[wysig | wysig bron]

Hestrie Cloete is op 26 Augustus 1978 in Germiston gebore. Sy maak haar deurbraak in 1995 by die Afrika-Spele, waar sy 'n goue medalje wen. In 1997 wen sy die Afrika Junior Kampioenskap met 'n sprong van 1,90 m en verslaan so die Nigeriese atlete Glory Nwosu en Bunmi Titcomb met 20 sentimeter. In 1998 en 2002 wen sy 'n goue medalje op die Statebondspele.

In 2001 wen Cloete goud op die wêreldkampioenskappe in Edmonton met 'n sprong van 2,00 m. Die Oekraïense Inha Babakova spring dieselfde hoogte, maar het meer pogings nodig gehad. Twee jaar later wen sy haar tweede wêreldtitel op die wêreldkampioenskappe in Parys, die keer met 'n persoonlike rekord van 2,06 m. In dieselfde jaar word sy as die IVAF se atleet van het jaar aangewys.

Op die Olimpiese Spele van 2004 in Athene was haar 2,02 m sprong genoeg vir 'n silwer medalje. Die goue medalje word deur die Russiese Jelena Slesarenko opgeraap (2,06 m sprong), terwyl die Oekraïense Vita Stopina brons inpalm.

Ná haar olimpiese deelname, neem sy op 18 September 2004 aan die wêreldatletiekeindstryd in Monaco deel, waar sy vyfde eindig (1,95 m). Daarna het sy nie meer aktief aan kompetisies deelgeneem nie.

Titels[wysig | wysig bron]

  • Wêreldhoogspringkampioen – 2001, 2003
  • Afrikahoogspringkampioen – 1998, 2002, 2004
  • Afrikajuniorhoogspringkampioen – 1997
  • Suid-Afrikaanse hoogspringkampioen – 1996, 1997, 1998, 1999, 2000, 2001, 2002, 2003, 2004
  • Suid-Afrikaanse juniorhoogspringkampioen – 1994, 1995, 1996
  • IVAF-atleet van die jaar – 2003

Persoonlike rekord[wysig | wysig bron]

Item Prestasie Datum Plek
Hoogspring 2,06 m 31 Augustus 2003 Parys

Prestasies[wysig | wysig bron]

  • 1995: Goud Afrikaspele – 1,85 m
  • 1996: 6e Wêreldkampioenskap junior – 1,85 m
  • 1997: Goud Afrikakampioenskappe – 1,90 m
  • 1997: Goud Afrika junior kampioenskappe – 1,90 m
  • 1997: 10e Wêreldkampioenskap – 1,90 m
  • 1998: Goud Afrikakampioenskappe – 1,92 m
  • 1998: Goud Gemenebesspele – 1,91 m
  • 1998: Silwer Wêreldbeker – 1,96 m
  • 1999: Goud Afrikaspele – 1,96 m
  • 1999: Goud Grand Prix Finale – 1,96 m
  • 2000: Silwer Olimpiese Spele – 2,01 m
  • 2001: Goud Grand Prix Finale – 1,98 m
  • 2001: Goud Welwillendheidspele – 2,00 m
  • 2001: Goud Wêreldkampioenskap – 2,00 m
  • 2002: Goud Afrikakampioenskappe – 1,95 m
  • 2002: Goud Gemenebesspele – 1,98 m
  • 2002: Goud Wêreldbeker – 2,02 m
  • 2003: Goud Wêreldatletiekfinale – 2,01 m
  • 2003: Goud Wêreldkampioenskap – 2,06 m
  • 2004: Goud Afrikakampioenskappe – 1,95 m
  • 2004: Silwer Olimpiese Spele – 2,02 m
  • 2004: 5e Wêreldatletiekfinale – 1,95 m

Sien ook[wysig | wysig bron]

Verwysings[wysig | wysig bron]

  1. HAT Taal-en-feitegids, Pearson, Desember 2013, ISBN 978-1-77578-243-8
  2. News24: I'm 100% behind Jurie - Hestrie, 2008-04-24

Eksterne skakels[wysig | wysig bron]