Het Kruis
Het Kruis in die Sandveld is ‘n landboustreek ten weste van Citrusdal aan die Weskus. Die wit sand tussen Het Kruis en Paleisheuwel is uiters geskik vir die verbouing van aartappels. Die groot besproeiingsirkels en die spilpunte is getuie van die boerderyaktiwiteite. In jare met goeie reën is daar in die vleie baie veldblomme. Hier loop die spoorlyn tussen Kaapstad en Bitterfontein oor die Verlorevlei. Die streek se naam het geen godsdienstige betekenis nie, maar verwys slegs daarna dat die rivier hier deurkruis word. Die ontdekkingsreisiger vaandrig Rhenius het die rivier hier vir die eerste maal in 1725 oorgesteek.