Holden

in Wikipedia, die vrye ensiklopedie
Jump to navigation Jump to search
GM Holden Ltd
Tipe Dogtermaatskappy
Gestig 1856 (saalvervaardiger)
1908 (motorvervaardiger)
Hoofkantoor Melbourne, VictoriaAustralië
SleutelpersoneGerry Dorizas
Voorsitter en besturende direkteur
Gebied bedienAustralië en Nieu-Seeland
IndustrieMotorvervaardiger
ProdukteMotors, enjins
Werknemers2 900 (Desember 2013)
MoedermaatskappyGeneral Motors
DivisiesHolden New Zealand
Holden Special Vehicles
Webwerfholden.com.au

GM Holden Ltd, algemeen bekend as slegs Holden, is 'n groot Australiese motorvervaardiger wat handeldryf in Australasië, met sy hoofkwartier in Port Melbourne, Victoria. Die maatskappy is in 1856 gestig as 'n perdesaalvervaardiger in Suid-Australië. In 1908 verskuif sy besigheid na motorvervaardiging, voordat hy 'n filiaal van die Amerikaansgebaseerde General Motors (GM) geword het in 1931. Die maatskappy word toe General Motors-Holden's Ltd genoem, wat Holden Ltd word in 1998, die huidige naam word in 2005 aangeneem.

Holden is verantwoordelik vir GM se voertuigbedrywighede in Australasië, en hou namens hulle gedeeltelike eienaarskap van GM Daewoo in Suid-Korea tussen 2002 en 2009. Holden het 'n wye verskeidenheid van plaaslik vervaardigde voertuie aangebied, aangevul deur ingevoerde GM modelle. Holden het ook die volgende handelsmerke se modelle in deelooreenkomste bemark: Chevrolet, Isuzu, Nissan, Opel, Suzuki, Toyota en Vauxhall Motors. Huidig (2015) bestaan die voertuigreeks uit modelle van GM-Korea, GM Thailand, GM in die VSA, en die selfontwikkelde Commodore, Caprice, en Ute. Holden het ook die Europese Opel-handelsmerk in Australië versprei in 2012 tot Opel se Australiese ondergang in die middel-2013.

Alle Australiesgeboude Holdenvoertuie word in Elizabeth in Suid-Australië vervaardig, en enjins word by die Fishermans Bend-aanleg in Port Melbourne, Victoria geproduseer. Histories is produksie- of monteeraanlegte bedryf in alle vastelandstate van Australië, met GM se Nieu-Seelandse filiaal Holden Nieu-Seeland wat 'n aanleg bedryf het tot 1990. Konsolidasie van motorproduksie in Elizabeth is in 1988 voltooi, maar sommige monteerbedrywighede is voortgesit in Dandenong tot in 1996.

Hoewel Holden se uitvoere gewissel het sedert die 1950's, het die laer verkope van groot motors in Australië die maatskappy gedwing om hul tot internasionale markte te wend om winsgewendheid te verhoog. Holden het op 11 Desember 2013 aangekondig dat hul produksie sal staak in Australië teen die einde van 2017. Holden sal hul ontwerpsentrum behou, maar met verminderde personeel. In die laaste paar jaar het Holden verliese gely as gevolg van die sterk Australiese dollar, asook weens regeringsubsidies wat verminder is. In Mei 2014 het GM hul besluit om die Lang Lang toetsterrein te sluit omgekeer, en besluit om dit te behou as deel van hul ingenieursvermoë in Australië.